محمد مهران: والدتي توفت في أول عيد ميلاد ليا - E3lam.Com

كشف الفنان محمد مهران، أنه لم يشعر يومًا بإحساس عيد الأم، نظرًا لوفاة والدته في أول عيد ميلاد له.

نرشح لك : شاهد: ابنة شيرين عبد الوهاب تعزف لها في عيد الأم

كتب “مهران” رسالة مؤثرة، عبر صفحته الشخصية على موقع التواصل الاجتماعي “فيس بوك” جاء فيها: “عمري ما حسيت باليوم ده بشكل حقيقي لأني والدتي توفت في أول عيد ميلاد ليا.. مش بلاقي في ذاكرتي أي حاجة بيني وبين والدتي الله يرحمها، وكنت بتعامل في الدنيا عادي، ولاقيت كتير حواليا بيدوني طاقه الأم وأنا بشكرهم جدااا”.

أضاف: “كبرت مع الأيام وأنا معرفش شعور أمي أو شعور إني يكون ليا أخ أو أخت، وقلت هعتمد على ربنا وعلى نفسي، ومش محتاج مشاعر من حد، لكن في مواقف كتير احتجت فيها وجود أمي “مش اللي زي أمي”، كانت هتفرق معايا كتير”.

أردف قائلًا: “أي حد عنده أمه في حياته اعرف أنها نعمة كبيرة أوي من عند ربنا، اعرف إنها بتزرع حاجات جوه شخصيتك، عمر الدنيا ما هتخليها جواك، مهما لفيت وشوفت في الدنيا.. حبها، حافظ عليها، وبوس إيدها كل يوم”.

نشر “مهران” صورته مع والدته أسفل تلك الرسالة وكتب عليها: “اللي في الصوره دي أمي الله يرحمها، ياريت تقرولها الفاتحة”.