كيف تهرب سمير غانم من شراء هدايا لدلال عبد العزيز

فاطمة جبل

قالت الفنانة دلال عبد العزيز أن زوجها الفنان سمير غانم كان يبتكر حيلًا مختلفة في بداية زواجهما، كي يتهرب من هدية عيد ميلادها.

أضافت خلال حلقة أمس الأربعاء، من برنامج “معكم منى الشاذلي” المذاع على قناة “CBC”، أن عيد ميلاد زوجها سمير غانم يوافق 15 يناير، يليه عيد ميلادها في17 يناير، وقالت ” أول سنة جواز جبت له هدية يوم 15، وقلت هو بعد بكرة هيجيبلي هدية، فلقيته مطنش، قلتله إيه يا سمير أنا عيد ميلادي إنهاردة، قالي شكلي وحش أوي، أنتي لسة جايبالي هدية، هردهالك؟ شكلها وحش، قلتله عندك حق”.

نرشح لك: صور : أول ظهور لابنة مفيدة شيحة

تابعت عبد العزيز قصة تهرب غانم من هديتها في العام التالي: “جيت تاني سنة قلت أطنش بقي، علشان يجيبلي هدية، جيت في 15 يناير مجبتش، فجيه 17 يناير، وقلت له، إيه يا سمير، قاللي لو كنتي قدمتي السبت، كنتي لقيتي الحد، ومن ساعتها قررت إن لا أجيبله ولا يجيبلي”.

عن هدايا عيد الأم أوضحت دلال عبد العزيز، أن سمير غانم يتفق أحيانًا مع ابنتيهما دنيا وإيمي، ويهدوها هدية قيمة، وقالت: “مرة جابولي خاتم هما التلاتة مشتركين، يا رب تتكرر، أنا جاية الفقرة دي أقول كل اللى في نفسي”، وأوضحت أن شخصية غانم اختلفت كليًا بعد الإنجاب.

كما تحدثت عن سبب اختيار اسم ابنتها الكبرى دنيا، وقالت: “أنا اللى سميتها دنيا ، بمعني دنيا سمير غانم الجديدة، والمعني عجبني، وكان اسم نادر” ، أما عن اسم ابنتها الصغري إيمي قالت دلال: “إيمي اسمها الحقيقي أمل، لكن دة اسم في البطاقة بس، محدش بيناديها بيه، وجدها اللى سماها كان لواء شرطة جامد ويخوف وكان سمير بيحترمه، قال له يا ابني إنت عندك دنيا، نسمي أمل بقي، فسمير مقدرش يعترض”.

تابعت عبد العزيز قصة اسم ابنتها إيمي” مكنش عاجبني اسم أمل، أنا كنت عاوزة أسميها جينينيار وأدلعها إنجي،وجينينيار دي كانت واحدة صاحبتي في المدرسة وكان نصها لبناني”.

https://www.facebook.com/Ma3komMona/videos/1011993508965336/