مارينا المصري تكتب: دراما كوين (4)
كل سنة وانتم طيبين، رمضان كريم، وفي “دراما كوين” هجيبلكم كل يوم أبرز المقولات اللي سمعت في ودني، من كل مسلسل، واللي شايفة إن بعضها هيعيش معانا سنين قدام، وتعليقي عليها، وحقيقي تسلم إيد السيناريست.
نرشح لك: مارينا المصري تكتب: دراما كوين (1)
1- ربع رومي
– اطلع برة يا ابن القاتل
*حلوة وجديدة الشتيمة دي
لا مش عجباني بس جديدة مافيش كلام
2- كلبش (2)
“انت فكراني بشوف سليم راجل كدة زي أي راجل!!”
عندك حق والله يا روجينا مش عادي طبعا
نرشح لك: مواعيد عرض كلبش 2 #مسلسلات_رمضان_2018
3- أبو عمر المصري
“في أيّام بتكون فاصلة في حياتنا بيتغير بعدها حاجات كتير، في اليوم ده أنت بتقرر تختار نفسك ولا تختار الحق”.
“هو أنت كل ما هتجيلي هتجيلي بحيواناتك”
ناس كتير بتيجي بحيواناتها المفترسة اللي جواها
“اللي بيعوز يعمل حاجة مبيهددش واللي بيهدد مبيعملش”.
4- نسر الصعيد
“اللي تعيش معايا مش هتفكر، هتلر بس اللي هيفكر”
رجالة مصرية كتير جواها هتلر
“الواطي عمره ما هيعلى والكبير كبير بأصله”
نرشح لك: شاهد: خطأ آخر لمخرج “نسر الصعيد”
5- ليالي أوجيني
‘الست عمرها ما بتزهق من الكلام الحلو”.
بس بتحس لو مش حقيقي
“كل الرجالة المتجوزة كدة، دمها تقيل”
كلهم ماعدا جوزي .. الرك ع الست
“أنا جبتلكم سمنية وتمرية إنما إيه، لكن مناظركم الحزيني دي كبيركم حب العزيز”.
معلش ممكن حد يقول لمدام انتصار إيه مجموعة الاكل دي؟!
نرشح لك: مارينا المصري تكتب: دراما كوين (2)
6- رحيم
اللي يتهور يتعور.
7- أيوب
آيتن عامر “سماح” ركبت لادا حمرة في سبيل البلووو بوط!!
(أه والله سماح قالتها كدة)