تامر أمين عن الشوباشي: الله يحرق النخبة والمثقفين

15 ابريل 2015 | 11:58 مساءً

هاجم الإعلامي تامر أمين، الكاتب الصحفي شريف الشوباشي على دعوته إلى خلع الحجاب قائلاً “مينفعش تقول إنه 90% من المحجبات ساقطات وعاهرات، ده كده شتم 90 % من نساء مصر، ده عمل مصيبة سودة، إللي انت قولته ده جريمة يحاسب عليها القانون ولازم تتحاسب لأنك كده أهنت أمي وزوجتي”

وأضاف أمين خلال حلقة اليوم، الأربعاء من برنامجه “من الأخر” الذي يُعرض على قناة روتانا مصرية “أنا عايز أعرف إيه اللي حصل في البلد دي، إيه اللوسة العقلية اللي حصلت لكتير من النخبة والمثقفين، الله يحرق دي نخبة على دي مثقفين اللي اترزقنا بيهم في السنوات الأخيرة، إيه الشذوذ ده، هو إنتوا لوحدكوا ولا فيه حد دفعلكم عشان تعملوا الفتنة والبلبلة دي، وناقص إيه عشان تعملوا خراب في البلد، والمسؤولين في البلد مستنيين إيه عشان يوقفوا الناس دي، لعنة الله على الحريات لو بالمنظر ده”.

و تابع “اللي عايزة تلبس الحجاب تلبس الحجاب واللي مش عايزة تلبس الحجاب ماتلبسش الحجاب .. دي حرية، انت مالك، عايزهم يقلعوا الحجاب ليه يا بتاع الحريات …. و ياريت فيه ناس تنزل معاك التحرير وإحنا هننزل نوريكم”