مارينا المصري تكتب: دراما كوين (18)

كل سنة وانتم طيبين، رمضان كريم، وفي “دراما كوين” هجيبلكم كل يوم أبرز المقولات اللي سمعت في ودني، من كل مسلسل، واللي شايفة إن بعضها هيعيش معانا سنين قدام، وتعليقي عليها، وحقيقي تسلم إيد السيناريست.

نرشح لك: مارينا المصري تكتب: دراما كوين (17)

1- أبو عمر المصري

– “كل شيء بأوانه”

وأوانه ده أتأخر أوي

– “عايز نبقى أقوياء.. يبقى لينا صوت”

الصوت قوة بس مش الصوت العالي الصوت هنا الكلمة والقدرة على التعبير

– “لك عينٌ كالنسر”

نفسي يكون عندي عين النسر في الحياة تشوف الناس الحلوة من وسط النار وتلقط الصح قبل فوات الأوان وتعرف الهدف وسط التوهة

– “أنا عارف إنك مبتخفش بس دلوقتي لازم تخاف”

ساعات الخوف بيكون مطب يهديك وقت اندفاعك وغضبك

2- بالحجم العائلي

– “ما تدوريش على النكد بمنكاش”

هو احنا ليه بندور على نكد! ولا هو اللي بيجي لوحده؟!

– “أنت طيب أوي وكل الناس مستهفقاك”

ناس فعلا تخاف ما تختشيش

3- ليالي أوجيني

– “الزعل سهل أوي يحصل، صعب أوي يمشي”

حقيقة تزعل

– “ممكن أقولك حاجة وتنسي إني قولتهالك”

ياه لو ده أوبشن بجد، نفسي أقول كلام كتير يتنسي بس أقوله يمكن ارتاح، هو احنا ليه مش بننسى! يمكن علشان مش بنسامح؟!

– “في يوم من الأيام هيجي اللي ياخد مكاني لإن المكان اللي أنا فيه في يوم من الأيام أنا خدته من حد، مهما عاندت وكابرت.. وأنا قبل ما أسيب مكاني لحد هسيبله علامة توجعه وتفكره بيا علطول”.

جيل بيسلم جيل فعلا، للأسف ده منطق معظم الناس…! غلب

– “يجعل يومك نادي ومعطر يجعل يومك حلو ومسكر”.

ليه بطلنا نقول الجملة دي لبعض الصبح

– “احنا بحاجة لتركيزنا مع بعض”.

لو ركزت معايا هتفهمني هتعرفني هتحس بيا… حياتنا هتبقى أحسن.

– “كان كل شيئا عاديا إلى أن رآها”

ويجي اللي يشقلب حياتك…

– “ثم أيقن أن الحب حين يأتي، يأتي دون إشعار مسبق”.

في ذلك الوقت تأكد أن هذا هو الحب.

– “الصح بيبقى قدمنا بس ساعات مبنعرفش نعمله”.

بقولكم من أول رمضان نفس الجملة.. الصح صعب..

4- كلبش ٢

– “أجمد حاجة اخترعها المصريين هي الأمثال الشعبية”.

اه والله

– “اخيراً بقى عندنا اسم وصورة للشبح اللي بنجري وراه”.

كتير مننا فعلا عنده شبح وكتير مش بنكون عارفين ولا اسمه ولا صورته..

– “أنا وأنت نصين لحاجة محدش يقدر عليها أبدا”

5- أيوب

– “الشمال بيوقف الحال”

وفِي مجالات الشمال شغال فيها إيه.. حلاوة بس في الآخر أي حد شمال مسيره يتشال…

6- رحيم

– “لو طولت اخش أحلامك”

ياه لو حد كل حلمه يكون حلم حد تاني!