مارينا المصري تكتب: دراما كوين (26)

كل سنة وانتم طيبين، رمضان كريم، وفي “دراما كوين” هجيبلكم كل يوم أبرز المقولات اللي سمعت في ودني، من كل مسلسل، واللي شايفة إن بعضها هيعيش معانا سنين قدام، وتعليقي عليها، وحقيقي تسلم إيد السيناريست.

أبو عمر المصري

• “احترم حزنه حتى وإن لم يبديه”.

إنك تحترم حزن حد دي حاجة كبيرة إنك بقى تحترم حزن حد مش مبين حزنه دي حاجة كبيرة أوي، انك بقى تحترم حزن حد مداريه ومبين عكسه دي حاجة عظيمة وحب حقيقي

• “الحرب دي قائمة على حقيقة واحدة وهي مجموعة لا نهائية من الأكاذيب”.

• “كنت متخيله شبه أوضته”.

تعرف فلان اه شفت أوضته لا تبقى متعرفوش

• “كان حريف وشاطر وحارب الكل، بس مكسبش حاجة”.

في زيه كتير

• “الزمن عمره ما بيرجع لورا”.

الحقيقة الوحيدة المزعجة بالنسبة لي

• “الذنب لما بيحصل الندم مش بيمحيه ولا حتى العقاب، الذنب بيفضل ذنب”.

الغفران والسماح يمحي أي ذنوب

ليالي أوجيني

• “الواحدة لما راجلها يكون بيهينها ويقل منها بتصعب عليها نفسها بتخبي وبتكذب علشان متصعبش كمان على الناس”.

مش قادرة افهم الستات اللي بتخاف تقول أو تعترض على كم الإهانة الغير مبرر استحملها، دي قوة مش ضعف، ملعون أبو المجتمع المريض اللي قالب الآية

– “مفيش حد بيتغير”

*في ناس لما الدنيا بتديهم فرصة بيتغيروا

مفيش حد بيتغير علشان حد، بس في حد الدنيا بتغيره وعدتا للاوحش، اعتقد اللي بيتغير للأحسن هو اللي بيتغير لنفسه

• “لو سبت ودنك للستات وحكاياتهم مش هتخلص”.

آه والله حقيقة بس أنا مش عارفة ده إحساسي لأني مذيعة راديو ولا لأني ست!

• “الظروف دي بنت لذينه بتحطنا في مواقف لا يمكن أبدا نتخيل إننا نتحط فيها أو نقبلها”.

ونقول لا مش هيحصل أبدا !! وبيحصل عادي

بالحجم العائلي

• “الانفصال مش ورق، الانفصال يعني بعد يعني عدم اهتمام”.

وياما منفصلين ومش قايلين أو يمكن أصلا مش عارفين

• “بتنتقم من نفسها”.

موضة الانتحار الجديدة اليومين دول

كلبش ٢

• “اللي مربي قرد عارف ألاعيبه”

اللي ربى خير من اللي اشترى

• “ودين ربنا اللي أنت كفرت بيه في الأول ودلوقتي بتلعب بيه؟!”.

كم المنافقين بقى كتير أوي ! المشكلة إن الناس بقت بتحب النفاق والأفاقين بجد!