متسابقة بـ"مذيع العرب": حذفوا ردودي.. كأني هواء على المسرح - E3lam.Com
كتبت آلاء جاويش، “بوست” على صفحتها بموقع التواصل الاجتماعي فيسبوك، تؤكد أن ظلمًا وقع عليها، خلال مشاركتها في برنامج “مذيع العرب”، المعروض على قناة “الحياة”، مؤكدة أن بعض تعليقات لجنة الحكم، وردودها عليهم، قد حذفت.
وقالت جاويش: “طوني لما قالي على الصوت العالي أنا رديت وقلتله إني متحمسة وده برنامج موسيقى على مسرح .. فاتحمست … ردي اتشال في المونتاج .. زي ما تعليق منى أبو حمزة اللي قالت إني كنت مرتاحة كتير وأنا بتكلم ما تشال هو كمان .. !! مش فاهمة ليه .. هل لما يشيلوا الكلام اللي اتقال هايبان إنهم حقانية ومابيظلموش حد ؟؟”.
وأضافت: “ثانياً : لما طلعنا كلنا المجموعة الأولى .. وجيه دور طوني … طوني أعطي تعليق للكل عن إنه ليه مش هيدي المايك إلا أنا .. وكان بيبصلي ومبتسم .. وبعدها قال أنا محتار بين آلاء وأنوار وبرده الجزء ده اتشال .. وطلع إنه بيكلم كله ومجابش سيرتي أصلاً .. كنت هواء واقف على المسرح …!!”.
وأوضحت جاويش، أنها بكت في الكواليس، بعد انتهاء التصوير، حيث قالت: “لمحت كاميرا جيه بإضائتها تصور ، وقربت وشي أكتر في الحيطة عشان ماتصورش .. وفجأة لقيت رأس طوني طلعالي من الجنب بالبابيونة اللي كان لابسها .. فبسطله لقيت الكاميرا جيه .. قلتله : هما جايبين حضرتك عشان تصوروني وأنا بعيط .. قالي لا والله أنا رايح أكل .. قلتله : طب اتفضل حضرتك روح كل .. قالي إنت بتعيطي ليه بس ؟ قلتله : لأن حضرتك عارف الإعلام في مصر عامل إزاي من الواسطة ، وأنا بقالي سنين طويلة بدور على فرصة .. وكنت فاكرة مذيع العرب هيعطيلي الفرصة دي .. لكن للأسف كله بالواسطة بيمشي … قالي ماتزعلي ، أكيد هاتلاقي فرصة أحسن”.
اقرأ أيضًا:
ملف خاص : الذكرى الأولى للحلقة الأخيرة لـ “باسم يوسف”
7 اختلافات بين مناظرة بحيري ورشدي ومناظرة #الازهري_بحيري_الجفري
بحيري بعد المناظرة: انتصرت على عابدي التراث
عادل إمام ينضم لثورة يناير بعد 4 سنوات
بحيري يحصل على “سبحة” الجفري بعد المناظرة
عمرو قورة: 2 مليار جنيه عجز بميزانية 20 قناة فضائية
رشا نبيل تفصل كاميرات برنامجها على الهواء
متصل لـ”الشوباشي”: ترضى بنتك ترجع الساعة 2 بالليل؟
أول تعليق لـ”الجفري” بعد مناظرة “بحيري”