إبراهيم السمان بعد فقدان وزنه: الجمهور لم يعرفني - E3lam.Com

رد الفنان إبراهيم السمان على الأسئلة التي وجهت له عقب ظهوره في مسلسل “أيوب” بمظهر مختلف تمامًا، بعدما فقد الكثير من وزنه خلال الآونة الأخيرة، لدرجة أن البعض لم يتعرَّف عليه.

نرشح لك : مفاجأة.. لجنة الدراما طلبت وقف عرض مسلسل “فوق السحاب”

كتب “السمان” عبر حسابه الشخصي على موقع التواصل الاجتماعي “فيس بوك”، “ناس كتير سألوني أنت اللي كنت في مسلسل عيون القلب أو في يونس ولد فضة أو سابع جار أو في ولاد تسعة.. بقولهم أيوه أنا وسؤالهم ده جه بعد ما اتفرجوا على مسلسل أيوب وشافوني في شخصية عزت ولاحظوا الفرق لأني وزني كان زايد، والحمد لله دلوقتي الموضوع اختلف جدا زي ما حضرتكوا شايفين في الصوره وده عشان صحتي وشغلي والحمد لله ربنا قدرني”.

تابع: “بالنسبة لكل اللي بيسألني انت خسيت ازاي عايز أقوله أن الموضوع قرار أولا لازم تاخده، وبعدين نصيحتي أن أي حد عايز يخس الإرادة ثم الإرادة ثم الإرادة، ثم نظام غذائي صحي مع دكتور تغذية، ثم الرياضة ولازم تفكر كويس جدا قبل ما تحط أي أكل في بوقك، وبالتوفيق لكل اللي عايز يخس وبإذن الله أنا متأكد إن كلنا عندنا إرادة”.