مؤلف "طايع" يوضح حقيقة اتهام "نسر الصعيد" بالسرقة - E3lam.Com
أوضح السيناريست محمد دياب مؤلف مسلسل “طايع” حقيقة اتهام صناع مسلسل “نسر الصعيد” بالسرقة.
وكتب “دياب” على صفحته الشخصية بموقع “فيس بوك”: “توضيحا للغط اللي حصل حول اتهام مؤلفي مسلسل طايع لمسلسل نسر الصعيد بالسرقة. الموضوع بدأ لما كذا ممثل كنا بنعملهم كاستنج لمسلسل طايع قالولنا إن فيه تطابقا بين الأدوار اللي بنعرضها عليهم وأدوار اتعرضت عليهم في مسلسل نسر الصعيد”.
نرشح لك: هروب منتج فيلم “3 شهور”
وتابع قائلًا ” قررنا نطلب من الرقابه إنها تتأكد من الكلام ده بما إن الاعمال كلها بتتعرض عليها قبل ما تاخد تصريح بالتصوير، لكن لما حد سرب الموضوع للصحافة تحول كأنه خناقة مع إن ده محصلش، خاصة إن فيه احترام متبادل بين القائمين علي العملين. والنهاردة الحقيقة بعد عرض المسلسلات المؤكد إن مفيش أدني تشابه بين العملين”.
يذكر أن مسلسل “طايع” تاليف محمد وشيرين وخالد دياب وإخراج عمرو سلامة وبطولة عمرو يوسف وعمرو عبدالجليل وسهير المرشدي، أما مسلسل “نسر الصعيد” فهو تأليف محمد عبدالمعطي وبطولة محمد رمضان ووفاء عامر ودرة.
