في الذكرى الثالثة لوفاته ماذا قالت ابنة سامي العدل؟ - E3lam.Com

أحيت رشا سامي العدل، الذكرى الثالثة لوفاة والدها الفنان الراحل سامي العدل ، عبر حسابها على موقع التواصل الاجتماعي “فيسبوك”.

قالت رشا عبر حسابها الشخصي: “3 سنين النهاردة عدوا عليا من غيرك و أنا في حالة توهان، سنة ٩٦ كتبت لك جواب  ووصلته لمكتبك لما كنت مخاصمني عمرى ما هنساه”.

نرشح لك –إنقاذ الطفل التاسع من أطفال الكهف في تايلاند

تابعت: “وصفت حالتي من غيرك من ٢٢ سنة وهي هي نفس حالتي من غيرك بقالي ٣ سنين، شبهت نفسي بالوطواط، اللي تاه و دخل أوضة مليانة نور واتقفلت عليه، ففضل يتخبط في الحيطان ويقع ويقوم تاني يتخبط وهكذا تائه موجوع حزين”.

أردفت: “سيبتني بدرى ومكنتش شبعت منك سيبتني من غير ما تقول لي أعمل أيه في حياتى من بعدك، وادينى ماشية بخبط في جدران الحياة واقع وأقوم اتخبط”.

استكملت: “بدعي لك كتير أوي، واللي ربنا بيقدرني عليه بعمله وبتمنى ربنا يتقبل مني علشانك أنت، ربنا يرحمك ويحسن إليك”.

اختتمت حديثها قائلة: “اللي كان بيحبه واللي بيحبونى، اتمنى تلاقوا في وقتكم لحظة تقروا له الفاتحة أرجوكم ربنا يجعله في ميزان حسناتكم”.