تامر أمين: المواطن المصري "متروق" في الأتوبيس - E3lam.Com
هاجم الإعلامي تامر أمين، رئيس هيئة النقل العام، المهندس رزق علي، بسبب تصريحه للإعلامية لبنى عسل من خلال مداخلة هاتفية لبرنامجها “الحياة اليوم” على قناة “الحياة”، حيث قال “رزق” لها: “أنا رئيس هيئة النقل العام ونفسى أشوف راكب واقف في الأتوبيس”، مشيراً إلى أن هذا التصريح “نكتة”.
وأضاف “أمين” خلال حلقة اليوم الثلاثاء من برنامجه “من الأخر” على قناة “روتانا مصرية”: “هو عنده حق، مفيش مواطن بيقف في الأتوبيس طبعاً، لأن كلهم متروقين، ده المواطن المتروق في أتوبيسه، فكرة إن المواطن يقعد على كرسي في أتوبيس ده حلم كبير، الناس بتنزل من الأتوبيس وبتطلع من الأتوبيس بقوة الدفع”.
وتابع ساخرًا: “ده عايش في دولة سويسرا الإتحادية العظمى، أنا ماعرفش هو بيمشي في أي شوارع و ماعرفش هو مسئول عن أي أتوبيسات، لكن المسئول عن الأتوبيسات مايبقاش عارف اللي بيحصل في الأتوبيسات دي جديدة لانج”.
واستطرد: “هذه القيادات لازم تتحاسب على اللي هى بتقوله ده لأن دي مصيبة، سواء كان بيكدب أو كان مصدق فعلاً اللي بيقوله، أنا أحترمك أكتر لما تطلع تقول ان عندنا مشكلة في وسائل النقل أحسن ما تطلع تكذب”.
اقرأ أيضًا:
وصية عبد الرحمن الأبنودي : لا تلفوني في علم
القرموطي يودع الأبنودي بـ”كيس تراب”
هكذا واكبت الشاشات رحيل الأبنودي
نادية العراقية : لست قبيحة والمرض غيرني
تاريخ الوفاة يجمع الأبنودي بصلاح جاهين وسيد مكاوي