هالة صدقي تنعي هياتم: "حقك عليا" - E3lam.Com

وجهت الفنانة هالة صدقي اعتذرًا إلى الفنانة الراحلة هياتم، التي وفاتها المنية أمس الجمعة، وذلك بسبب تأخرها عن زيارتها خلال فترة المرض.

قالت “صدقي” عبر حسابها على موقع التواصل الاجتماعي “فيسبوك”: “حقك عليا اتأخرت على زيارتك كتير، وعارفة إنك كنتي مستنية تشوفيني وربنا وحده اللي عارف أنا اتأخرت ليه”.

نرشح لك : صور.. جنازة الفنانة هياتم من مسجد السيدة نفيسة

تابعت: “وشفتك أول إمبارح في الحلم وانتي لابسه جلبية سوده وشعر أسود طويل؛ وبتعيطي وبتعتبي عليا إنيّ ماجتش ليكي وقَعَدت أعتذرلك وأول ما صحيت اتصلت بيكي وجه اللي يعطلني وينسيني أكلمك تاني”.

أردفت “صدقي”: “لكن في نيتي إن أول زيارة كانت لازم تكون ليكي، وأن الموبايل مش كفاية، أنا اتأخرت عليكي يا حبيبتي يا صاحبة يا جدعة يا جميلة يا طيبة؛ يا صاحبة الواجب حقك عليا حقك عليا ومحدش عارف هشوفك امتى تاني”.

يذُكر أن الفنانة هياتم رحلت عن عالمنا أمس الجمعة، بعد فترة من المرض، حُجزت على إثرها في إحدى المستشفيات لمدة تقترب من 4 أسابيع قبل الوفاة.