أحمد آدم يدعو إلى مليونية خلع البنطلون
سخر الفنان أحمد آدم من الكاتب الصحفي شريف الشوباشي، صاحب دعوة”مليونية خلع الحجاب” قائلاً: ” الواحد هيلاقيها من المستريح ولا من الأستاذ الشوباشى بدون ذكر أسماء”، مضيفًا: “أنت بتدور على حد يشتغل لصالح الإخوان ولا إيه.. ده احنا لو بنشتغل لصالح الإخوان مش هنلاقى أفضل من كده”.
وأضاف آدم خلال تقديمة برنامج “بني آدم شو” على فضائية “الحياة” : “هي كانت الدولة طلعت قرار لفرض الحجاب عشان تعمل مليونية لرفض القرار اللى طلعته الدولة، مضيفًا “ما ترحمونا بقى يا جدعان البلد فيها اللى مكفيها والجيش في حرب على الحدود”.
وتابع آدم سخريته قائلا:” الشوباشي طلب من النساء الخروج للمطالبة بإصدار قانون لخلع الحجاب، أنا هدعوا الرجال إلى مليونية خلع البنطلون مناصفة مع مليونية خلع الحجاب التي دعا إليها الشوباشي”.