صور: خطوبة مينا عطا

أعلن الفنان الشاب مينا عطا، نجم برنامج “ستار أكاديمي”، عن خطبته من الفتاة التى أحبها منذ 11 عامًا، بعدما افترقا عن بعضهما لفترة.

قال مينا عبر حسابه على موقع التواصل الاجتماعي “فيسبوك”: “فاكرين يوم ما غنيت في ستار أكاديمي “الايڤال الرابع بتاع الامنيات”، أغنية لا تروحي و كانت أمنيتى أن البنت الوحيدة اللي حبيتها في حياتي ترجعلي ونكمل حياتنا سوا”.

نرشح لك : ماذا قال الخبثاء عن إصابة إليسا بالسرطان؟

تابع: “الحمدلله من نعم ربنا عليا النهاردة إنيّ أقدر أقول إننا رجعنا لبعض و اتخطبنا كمان وفرحنا بإذن الله قرب، أولًُا عاوز دعوة حلوة منكم لينا، وثانيًا هما كلمتين أحسن من ٢٠٠ عشان مابحبش أطول”.

أضاف: ” لو ليك هدف، أمنية، حلم، أمسك فيه بإيديك وسنانك واوعى تقول مستحيل أو مش هيحصل لأن ربنا كبير أوى، وعالم بنيتك وحالك و بيديك دايمًا اللي أنت محتاجه، والمناسب ليك فى الوقت المناسب”.

أردف: “أما بالنسبة لـ عشرة الـ ١١ سنة حب و اللي استحملتنى كتيييير، ووقفت جمبي زمان كتيير أوى قبل أيّ شهرة وقبل كل حاجة، أيام ما كانت بجد الحياة سودة  ومتقفلة في وشي ومش عارف أحقق أيّ حاجة، أحب أقولك لو لفيت الدنيا كلها والله العظيم عمري ما هلاقي زيك، وعمري ما حبيت ولا هحب ولا عرفت حب بجد يعني أيه غير معاكي، إنتي كل حاجة في حياتي”.