أيمن بهجت قمر يحكي معاناته مع "البدلة"

إسراء إبراهيم

أعرب الشاعر أيمن بهجت قمر ، عن سعادته بنجاح فيلم “البدلة”، الذي شارك من خلاله في موسم أفلام عيد الأضحى، واعتبره علاجًا شخصيًا له.

قال أيمن عبر حسابه على موقع التواصل “فيسبوك”: “نجاح فيلم البدلة بالنسبالي مش نجاح عادي لفيلم أنا كتبته لأ، ده نجاح شخصي ليا وبعتبره كأنه علاج لفترة مرت عليا من أصعب فترات حياتي، لأني كتبته في ظروف عشان تكتب فيلم كوميدي فيها يبقى أنت جبلة أو مابتحسش لكن بصراحة كل اللي حواليا ساعدوني في تحقيق ده بداية من تامر ووليد وأكرم ومحمد وكل الناس”.

نرشح لك: تعليق تامر حسني على إيرادات فيلم البدلة

تابع: “كنت محتاج أنجح قدام أولادي بهجت وأدهم عشان هما شافوا معايا موقف في السينما في الفيلم اللي قبله، وسمعوا واحد من الجمهور بيسب في مؤلف الفيلم وزعلوا وأنا فهمتهم أن ده فن وما دام نزل يبقى ملك الناس يعني هما أحرار في رأيهم، بس من جوايا كنت بدعي ربنا يصلح الموقف ده وبسرعه عشان خوفت إيمان ولادي بيا يتهز لإنهم صغيرين ومش فاهمين”.

اختتم حديثه قائلًا: “خلاصة الكلام ربنا دايمًا بيدي للي بيتعب وبيخلص ومحدش بيخسر كل حاجة، أو بيكسب كل حاجه ٢٤ قيراط ربك مقسمهم وعالم بينا وبخبايانا”.

يُذكر أن فيلم “البدلة” قصة تامر حسني، سيناريو وحوار أيمن بهجت قمر، وإخراج محمد جمال العدل، من بطولة تامر حسني، أكرم حسني، أمينة خليل، ماجد المصري، دلال عبد العزيز، محمود البزاوي، حسن حسني، مي كساب، ومحمد ثروت.