منة فضالي لجمهورها: «افتحوا صفحة جديدة مع ربنا»
هبة الله حسين
دعت الفنانة منة فضالي، متابعيها عبر موقع تبادل الصور والفيديوهات «إنستجرام»، لضبط النفس وفتح صفحة جديدة مع الله، والتصالح مع كل ما يتعرضون له من مواقف، سواء كانت جيدة أو سيئة.
وأضافت فضالي في المنشور، الذي أرفقته بصورة لها: «متزعلش لما تخسر في حياتك أو يضيع منك حاجة غالية عليك، صدقني ده مش صدفة أو سوء حظ، ده ترتيب من عند الله ليك، ربنا مش هيأذيك، ربنا هيخليك أفضل وأقوى مما أنت عليه دلوقتي».
نرشح لك: شاهد رد فعل هيفاء وهبي بعد سؤالها: «في حد أحلى منك؟»
وتابعت الفنانة الشابة: «اقرأ الرسائل اللي بيبعتهالك، ركز هتستوعب قد إيه هو بيكلمك ويبعد عنك اللي بيأذيك، بس أنت مصمم تأذي نفسك سواء في علاقة أو شخص أو موقف، ربنا بيدي فرصة واتنين وألف، وبيخلي دايما في اختيار تاني، يمكن دي أسوأ فترة بتعدي عليك في حياتك كلها».
واستكملت فضالي: «جواك تعب ملوش وصف، بتعاني من أقل شيء، حياتك كلها إنك بتشتكي، التفكير مخليك معدي سنك بسنين، جرب تفتح صفحة جديدة مع ربنا، صلي وادعي واقرأ رسائله ليك، هتشوف الفرق لما تلاقي نفسك مع أول اختيار بتختار اللي قلبك النقي بيدلك عليه».
واختتمت منة منشورها: «بتختار اختيار كان ربنا حاطه قدامك في كل موقف وانت متعمد تختار العكس، ربنا مش بينسى ولا بيظلم، جرب تصالح نفسك على اللي خالقها وكل حاجة في حياتك هتتصلح، اللهم ردني إليك ردا ما بعده بُعد ولا معصية، واجعل اختياري اختيار الصواب».
يُذكر أن منة فضالي، ستبدأ تصوير أول مشاهدها في فيلم «المحترف» مع المخرج إبرام نشأت، في 20 سبتمبر الحالي في مدينة شرم الشيخ، ويشاركها البطولة نضال الشافعي، إيهاب فهمي، وأحمد التهامي، الفيلم من تأليف حسام موسى وإنتاج بلال صبري.