القرموطي للمسئولين بوزارة الأثار : هتجيبولنا جلطة
هاجم الإعلامي جابر القرموطي المسئولين بالدولة، بسبب تصوير فيلم إباحي في منطقة الأهرامات، قائلاً “أنا مش عارف هى المشكلة إيه، شرطة الأثار ولا وزارة الأثار، إيه الخيبة التقيلة إللي احنا فيها دي، هى الأثار دي للبورنو؟!، خصوصاً أثار مصر، هى الأهرامات دي بناها خوفو وخفرع ومنقرع عشان ييجي ناس يعملوا فيها أفلام بورنو”
وتابع انتقاده للمسئولين بوزارة الأثار خلال حلقة اليوم، الخميس من برنامجه “مانشيت” على قناة ONtv قائلاً “خيبة الأمل راكبة جمل، هو انتوا متضامنين معاها، هو انتوا مش مدركين انكوا عندكوا أعظم أثار في العالم، إللي مش مدرك يمشي، ولا بتاخدوا فلوس من تحت لتحت ولا عاوزين تضروا البلد ولا عاوزين تعملوا إيه بالظبط”
و أضاف “أنا مش فاهم إيه حكاية الأهرامات و أفلام البورنو، كل شوية فيلم إباحي عند الأهرامات، يمكن الأهرامات دي فياجرا يعني، أنا مش فاهم، هتجيبولنا جلطة”