ياسمين رئيس لمنتقديها: "إحنا مش بشر زيكم؟"
عبرت الفنانة ياسمين رئيس، عن غضبها من هجوم بعض مستخدمي مواقع التواصل الإجتماعي، على الفنانين بعد حفل افتتاح مهرجان الجونة السينمائي الدولي في دورته الثانية.
قالت ياسمين عبر حسابها على موقع التدوينات القصيرة “تويتر”: “صباح الخير وياريت الناس تهدى شوية عشان خلاص والله أنا تعبت نفسيًا مش عارفة المفروض الواحد يتشتم ويسكت يعنى”.
نرشح لك : صور: إطلالة مميزة لـ سوزان نجم الدين في مهرجان الجونة
أرفقت ياسمين صورة مع التدوينة جاء فيها: “صباح الخير، أنا اضطريت أني أقفل التعليقات على صفحتي الخاصة بإنستجرام، لأني فعلًا مش قادرة على استقبال أي طاقات سلبية في تعليقات من الناس، على حاجات زي أن الناس جعانة وانتم فرحانين أو الناس ماتت وأنتم بتحتفلوا أو أفرحوا بكرة ترقصوا في جهنم”.
تابعت: “كفاية حرام عليكم كفاية، هو إحنا أيه بالنسبة ليكم؟ ما بنحسش مش بشر زيكم! خلاص بقيتم متأكدين قوي إن إحنا محصنين ضد النكد والهم والأمراض، كل واحد عنده على فكرة مشاكله، وطول عمر الدنيا فيها فقر ومرض وموت وحروب وشر وفيها في نفس الوقت حب وفرح وخير وأطفال بتتولد في وسط كل ده تعمر جديد وهي دي الحياة”.
أردفت: “وهتفضل كده رفضتم أم أبيتم (شئتم أم أبيتم)، ما تشيلتيش أنا مسئولية كل مشاكلك في الحياة عشان فرحتلي شوية في فيديو، أو صورة أو سفرية أنت متعرفش أصلًا كواليسها أيه”.
بعد ذلك حذفت ياسمين تلك التدوينة والصورة المرفقة معها،وكتبت تغريدة أخرى قالت فيها: “وأدي البوست كمان اتمسح عشان خساره الكلام في الحمار”.
وادي البوست كمان اتمسح عشان خساره الكلام في الحمار https://t.co/RhPA6v0nim
— Yasmin raeis (@yasminraeis) September 22, 2018