أديب بعد مباراة الأهلي: اللاعيبة تعمدوا الخسارة
علّق الإعلامي عمرو أديب، على خسارة النادي الأهلي أمام فريق المغرب التطواني في بطولة دوري أبطال إفريقيا، قائلًا “لاعبو الأهلي تعمّدوا الخسارة لإجبار المدير الفني للفريق (جاريدو) على الرحيل”.
وأضاف “أديب”، خلال برنامجه “القاهرة اليوم” على قناة اليوم “اللي يشوف ماتش الأهلي يعرف إن اللاعبين عايزين يمشوا المدرب، دا مش الأهلي، ولا دي روح الفانلة الحمراء، دي لاعيبة مش عايزة تلعب ومش مقتنعين بالمدرب، وكلهم عايزين يمشَوه، اللاعيبة مش بيحترموا المدرب ده، و مش مالي عينهم، لما كان الللي بيدرب النادي الأهلي محمود الجوهري أو جوزيه، كان المدرب ده ليه شنة و رنة، ليه هيبة، مش ده الأهلي”.
و تابع “انت مستني إيه يعني عشان جاريدو يمشي، الراجل بيتغلب في كل حاجة، وقدام فرق صغيرة وفرق كبيرة، وأنا زملكاوي أه بس الأهلي النهاردة كان بيلعب بإسم مصر و كنت حابب إنه يكسب”