منة فضالي عن الشامتين في "الفيشاوي": "إنتو إزاي مسلمين؟"
وجهت الفنانة منة فضالي، رسالة إلى الشامتين في مرض الفنان فاروق الفيشاوي، مشيرة إلى أن التعليقات على مرضه أصبحت مستفزة، مضيفة: “ليا رجاء اللي عنده كلمة كويسة عن فاروق الفيشاوي يكتبها، بكل أدب وكل احترام لأن مافيش تريقة ولا هزار في المرض”.
تابعت منة خلال “لايف” بثته عبر حسابها الشخصي بموقع التواصل وتبادل الصور “إنستجرام”، أن كل شخص معرض لأن يُصاب بمرض خبيث في أي وقت.
نرشح لك: فاروق الفيشاوي يروي تفاصيل إصابته بالسرطان
عقبت “فضالي” على تعليق أحد الأشخاص على صورة جمعتها بـ “الفيشاوي”، قائلًا “ربنا ياخده”، قائلة “ربنا ياخدك أنت، في حد يتمنى لأحد الموت أو المرض بدل ما نقول ربنا يشفيه، أيه مشكلتكم في الحياة”.
تابعت: “إنتوا إزاي بني آدميين، أنتوا إزاي أصلًا مسلمين، اتقوا ربنا شوية، إحنا نعرف ربنا أكتر من أي حد، مستغربة على الأخلاق والتدين وبيكتبوا كلام غريبة، خافوا ربنا شوية، أنا حزينة، إنتوا ناس مستفزة”.