صاحب واقعة "قال فاكرينك": الهضبة كان بيهزر

علّق الشاب عمرو وائل، صاحب واقعة أغنية “قال فاكرينك”، على رفض الفنان عمرو دياب أن يغنيها خلال حفله أمس، بجامعة مصر الدولية، بعدما طلبها منها عدة مرات.

نرشح لك: بهاء الدين محمد يهاجم عمرو دياب

أوضح عمرو عبر حسابه الشخصي على موقع فيس بوك، أنه بعدما طلبها مرارًا من الهضبة، ورفض أن يغنيها، ضحك واعتذر لـ”دياب”، فرد عليه ضاحكًا: “أيوه كده”، موضحًا أنه ليس غاضبًا مما قاله عمرو على المسرح ولا من انتقاده لطلبه المتكرر للأغنية.

كتب عمرو: “أنا عمرو وائل بتاع حوار قال فاكرينك إمبارح اللي حصل إن أنا واتنين صحابي قعدنا نقول قال فاكرينك فقالي يا عم مش هغنيها م أنا لو عايز كنت نزلتها في الألبوم أنت مش هتمشيني علي مزاجك لو مش عجبك متسمعنيش.. فضحكت و قولت أسف راح ضحكلي وقالي ايوة كدة”.

تابع: “أنا مش زعلان منه لأن هو كان بيهزر وكل الناس عارفه إن هو كان بيهزر وأنا مش زعلان أنا اصلا بحبة جدا والله وطلبتها مرتين بس والناس كلها بتهبد اللي حصل إن هو كان بيهزر اصلا وكان بيضحك وهو بيتكلم”.

كان عمرو دياب قد هاجم “وائل” خلال حفله في جامعة مصر الدولية، مساء أمس، بعد أن ألح عليه في طلب غناء “قال فاكرينك”، التي اعتاد عمرو غناءها في حفلاته، حيث رد عليه دياب قائلاً: “والله ما هقولها، أنت لو قعدت 100 سنة تطلبها مش هقولها، أنت هتمشيني على مزاجك، مش عاوزها، لو كنت عاوزها كنت نزلتها في الألبوم، إنما أنا مش عاوزها، مزاجي مش عاجبك متسمعنيش، ده أنت غريب أوي”.

نقدم لك| نهايات مأسوية لنجوم الفن..