مي حلمي عن إلغاء زفافها: هنتكلم في الوقت المناسب
علقت الإعلامية مي حلمي، عن الأزمة الأخيرة التي تعرضت لها بعد إلغاء حفل زفافها من الفنان محمد رشاد، والشائعات التي انتشرت حول سبب انفصالهما، وتعرضها لوعكة صحية.
نشرت مي فيديو لها من كواليس حفل زفافها، ظهرت خلاله مرتدية فستان الزفاف، وعلقت كاتبةً: “مش عايزه اتكلم في أي حاجة غير عن وجع كسرة الفرحة، ولا إعلام ولا ميديا ولا دنيا ولا مين شمتان ولا مين فرحان مش فارقلي.. كلنا بندور على الفرقعة على السبق اللي يضرب بس لو هتكلم عن نفسي عمري ما هعمل كده وقت غياب فرحة حد ومش أي فرحه دي فرحه العمر زي ما بيقولوا … ازاي ؟ ازاي قدرتوا تعملوا كده لكل الناس وأولهم القريبين”.
نرشح لك.. تعليق سمير غانم على إلغاء زفاف محمد رشاد ومي حلمي
تابعت: “ازاي قدرتوا تقولوا كلام غلط وحكايات ما حصلتش ازاي سبتوا فرحتنا علي جمب طيب هقولكم عارفين يعني إيه بعد ما البس فستاني اقلعه ؟ بعد ما خلاص خطوة واحدة من ٤ سنين مستنياه تبوظ بسبب الناس اللي نقلت كلام غلط مش هقول الميديا الميديا طول عمرها كده وقبل ما اشتغلها وأنا عارفه إنها كده نتكلم عن الناس الطبيعية.. ازاي قدرتوا تشمتوا وتفرحو في وجع غيركم واللي يدعي واللي يضحك واللي يقول أحسن فهموني انتوا بني ادمين ؟ بتخافوا ربنا ؟”.
أضافت: “طيب حتي لو نفرض وده فرضا إن حد من الطرفين غلطان ليه الدعا عليه والحسبنه ليه أصله مش زرار هتقوم من النوم تدوس عليه فهتنسي العشرة والسنين وتقعد تدعي وتهين لا لا أبدا مهما حصل بتلاقي نفسك مش طايق كلمة وحشة على الطرف التاني ونفس الكلام للطرف الاخر.. بعد الهيصه والزيطه مابيفضلش غير الحلو وبيبان الوحش بس كل اللي عايزه اقوله الشدد بتبين … في الآخر حبيت اخرج كلام جوايا من اللي شوفته اليومين اللي فاتوا ووالله والله ما فرق معايا غير فرحتنا أنا وهو.. مش أنا بس اللي اتكسرت فستاني اللي قلعته بدلته اللي اتقلعت ومحدش فاهم حاجه أهالينا اللي زعلانين علينا”.
استكملت مي: “ماكنتش ناوية اتكلم بس كلام جوايا وكنت عاوزه اقوله محدش بيرضي في عشرة عمره لو عامل فيه ايه مابيرضالوش الوحش ولا دعوة واحدة بالغلط عشان ما حدش كان عارف ايه اللي حصل معظم الناس أنا كنت هناك أنا كنت حاضر أنا كنت شاهد.. كنت دعيت ربنا يهدي الدنيا ويجمعهم في الحلال بدل ما كنت حكيت اللي سمعته مش اللي شوفته إحساس صعب فرحة عمرك تتكسر قدامك بعد سنين مستنيها ساعتها ولا بيفرق شكل من كلام ناس من دنيا”.
واختتمت حديثها كاتبة: “فرحه فستان بتاعت الراديو راجعة راجعة إن شاء الله هنحكي كل حاجه وهنقول كل حاجه بس في الوقت اللي إحنا عايزينه مش اللي الناس عاوزاه.. نصيحة من قلبي لكل اتنين متجوزين عايزين يسيبوا بعض لكل اتنين مخطوبين لكل اتنين بيحبوا بعض الحب مابيتبعش ولو ضيعتوه والله ما بيجي تاني امسكوا فيه مهما حصل.. أكيد هنطلع ونتكلم بس ادونا شويه فرصتنا مع بعض بعيد عن الأضواء”.
شاهد: لقطات من حفل زفاف الفنانة شيماء سيف والمنتج محمد كارتر