صورة جديدة تجمع محمد عبد العزيز بوالده في ذكرى رحيله
هبة الله حسين
نشر الفنان محمد محمود عبد العزيز ، صورة له بصحبة صورة كبيرة لوالده الراحل الفنان محمود عبد العزيز، بمناسبة مرور الذكرى الثانية على رحيله؛ وذلك عبر حسابه الرسمي على موقع تبادل الصور والفيديوهات “إنستجرام”.
علّق “عبد العزيز” على الصورة عبر حسابه، قائلًا: “برده هتصور مع حضرتك وهتجمعنا صورة جديدة، سبب نزول الصورة بصراحة الصورة دي ماكنتش متصورها عشان أنزلها على (السوشيال ميديا)، كنت عاملها ليا أنا بس علشان أحطها على موبايلي واعلقها في بيتي وشركتي، بس قولت لنفسي أن أكيد في ناس كتير عاملة زي حالاتي وليها حد غالي عليها بعيد عنها”.
نرشح لك: سر الخلاف بين عادل إمام ومحمود عبد العزيز
أضّاف: “أيًا كان نوع البعد حتى لو مسافر مدة طويلة، نصيحتي اعمل زي ما أنا عملت، اتصور صورة حلوة مع صورة حلوة للشخص الغالي عليك، ولو كان مسافر ابعتهاله وعرفه قيمته عندك وحسسه بحبك ليه، ساعتها أكيد هيفرح وأنت كمان هتفرح وهتقصر بينكوا المسافات مهما طالت، العمر مهما طال قصير اللي أنت حاسه قوله واللي بتحبه قوله بحبك في وشه”.
تابع: “صدقني ممكن بكره ما تلاقيهوش، أما لو الغالي عليك المسافة اللي بينك وبينه أبعد من السفر، أكيد برده هيحس وهيفرح وأنت كمان هتفرح أنك معاه في صورة جديدة حتى لو مع صورته، أسألكم الفاتحة والدعاء لأبويا ولكل من رحلوا عنا”.
يُذكر أن الفنان محمود عبد العزيز رحل عن عالمنا يوم 12 نوفمبر 2016، عن عمر يناهز 70عامًا، بعد مشوار طويل من الأعمال الفنية المتنوعة في الدراما والسينما.
شاهد: لمحات من حياة الفنان الراحل ممدوح عبد العليم في ذكرى ميلاده..