عيسى ينتقد جمع محافظ الإسكندرية للقمامة: فشل رهيب
انتقد الإعلامي إبراهيم عيسى، انتشار صور لهاني المسيري، محافظ الإسكندرية، وهو يجمع القمامة من شواطئ المدينة، قائلًا: “ده دليل فشل رهيب، معناه إن الإدارات والمؤسسات اللي موجودة في الدولة لا تقوم بعملها، فنتصورلنا صورتين علشان نشجع الشباب والمجتمع، لما يشوفوا المحافظ فيعملوا زيه، كلها حلول قديمة”.
وتابع “عيسى” خلال برنامجه “25/30″، المذاع عبر شاشة “ONTV”: “مفيش خيال جديد في الموضوع، زي حكاية إضراب الطيارين، بعد ما الرئيس خاطبهم، استجابوا وتنازلوا عن الإضراب، إما أنتو بتضربوا لأسباب وهمية، أو بتحتجوا بناء على أوامر الرئيس، هو مفروض الرئيس يقولكوا فيحن قلبكوا، كل حاجة الرئيس، مفيش الشعب”.