تامر أمين: الرئيس رمى كلمتين في عضمي وجعوني قوي - E3lam.Com
علق الإعلامي تامر أمين على ختام كلمة الرئيس عبد الفتاح السيسي، قبل قليل، عندما أشار بشكل غير مباشر عن عدم رضاءه عما يقدم في الإعلام، قائلًا: “الرئيس رمى كلمتين في عضمنا، وجعوني قوي، الرئيس بيقول مش انا اللي بقولهم اعملوا برامج التفاهة والعري، وبيقول مش بإيدي اللي بيحصل على الشاشات”.
وأضاف “أمين” خلال برنامجه “من الأخر”، المذاع علي شاشة “روتانا مصرية”: “الأمر وصل إن مفيش سقف خالص للإعلام، أنا بطالب بقيود وقوانين منظمة، ومش خايف منها، اللي هيخاف منهم الجاهل والخائن واللا إعلامي، لأنه معندوش حاجة يقدمها”.
وتابع: “اللي بيحصل مش حرية إعلام، دي فوضى، الرئيس بيبني من ناحية وجزء كبير من الإعلام بيهد من الناحية التانية، أكتر واحد بيشتغل في مصر عبد الفتاح السيسي، وأنا سعيد بالكلمة النهاردة”.