أقل من ٤٠٠ جنيه.. أرخص فستان في ختام مهرجان القاهرة
كشفت الفنانة سارة عبدالرحمن تفاصيل إطلالتها في حفل ختام الدورة الـ 40 من مهرجان القاهرة السينمائي الدولي، أمس الخميس، موضحة أن الفستان الذي ظهرت به “مستعمل” من وكالة البلح، وسعره لم يتجاوز “370 جنية” فقط.
أضافت سارة عبر حسابها الرسمي على موقع “فيس بوك”، أنها تحب تقليل الاستهلاك وأن تعيد استخدام بعض الأشياء، لذا قررت في حفل الختام ألا تتعاون مع أي مصمم أزياء واشترت فستانا مستعملا.
تابعت: “من أكتر الحاجات الممتعة في شغلي هي فرصة إني أتعامل مع مصممين أزياء وستايليستس شاطرين للتعبير عن نفسي من خلال اللبس، بس لحفل ختام مهرجان القاهرة اخترت إني ألبس فستان اشتريته من وكالة البلح حتة الهدوم المستعملة بـ ٣٧٠ جنيه”.
نرشح لك: أسوأ الإطلالات في حفل ختام مهرجان القاهرة
واستطردت سارة: “تقليل الاستهلاك من الحاجات الشخصية اللي باقدر أعملها عشان أحافظ على البيئة، يعني باوزع اللي مش باستخدمه، ومابشتريش غير اللي محتاجاه، ولو اشتريت.. اشتري مستعمل، مش حاجة متصنعة جديد اتصرف عليها فلوس كتير، وصنّعها عمال في ظروف غير آدمية.. فيه فكرة كدة ان ممكن يُعتبر عيب مثلا إن الواحد يلبس حاجة مستعملة.. بس أنا حبيت أثبت لنفسي أولا أن من السهل ألاقي حاجة مستعملة لائقة للمناسبة وفي نفس الوقت مستدامة/صديقة للبيئة.. بالتأكيد مش باقدر اعمل كدة طول الوقت زي ما باتمنى بس أهو اديني باخد خطوات صغيرة”.
يشار إلى أن حفل ختام مهرجان القاهرة السينمائي الدورة الـ 40 أقيم مساء الخميس بدار الأوبرا المصرية، بحضور عدد كبير من نجوم الوطن العربي ونجوم العالم.
شاهد: أفلام مسابقة أسبوع النقاد الدولي بمهرجان القاهرة السينمائي 2018