النصب على المخرج خالد دياب.. كلمة السر "خالتي أم علي"

كشف المخرج خالد دياب، عن تعرضه لعملية نصب وسرقة، أثناء بيع منزله من قبل مواطن خليجي

قال “دياب”، عبر حسابه الشخصي على موقع التواصل الاجتماعي “فيس بوك”: “عارض بيتي اللي عايش فيه للبيع فكلمني مواطن خليجي عايز يشتري البيت، وجه اتفرج، وعجبه البيت واتفقنا علي السعر، ومافاصلش في جنيه، وعرض يشتري كمان الفرش فوافقت عشان ما اتعبش في نقل الفرش”.

أوضح “دياب”، أن اللص طلب منه إجراء مكالمة هاتفيه مع زوجته لاستشارتها في بعض الأمور المتعلقة بالشقة، وطلب منه الصعود للغرفة الصغيرة ليتأكد إذا كانت تصلح ليعيش فيها مربية أم لا، فوافق “دياب” على الفور.

وأضاف:” قولت لعيشة مراتي اطلع اقوله انه ممكن يبني اوضه للمربية في الجنينة و يستغل هو أوض البيت لعيلته يمكن ده يأثر علي قرار مراته في الشرا قالتلي ملوش لزوم… يا عيشة اطلع اقوله البيعه هاتبوظ قالتلي خليها علي الله.. دقايق و نزل قالي تمام مراتي موافقه ساعة و نتقابل في البنك أكون جبت المحامي أنا عملي و مش بتاع تضيع وقت”.

نرشح لك: محمد صبحي: الأقبح من فستان رانيا يوسف من يُقبل زوجته أمام الكاميرات

وتابع:” مشي وأنا طاير من الفرحة والأدرينالين متدفق في عروقي عشان الديل اللي الراجل مانزلش فيه جنيه … نص ساعة و نزلت عشان اقابله في البنك لقيت مراتي بتكلمني بتقولي انت خدت فلوس من شنطتي؟”

واستكمل:”فجأه أنا حصلي فلاش باك صاروخي.. قولتلها روحي شوفي أي فلوس في البيت ناقصة؟ قالتلي ايه؟ زعقتلها قولتلها روحي شوفي أي حاجه ناقصة حالا… رجعتلي بالخبر اليقين.. البرنس سرق كل الفلوس في شنطة عيشه…كلمته في التليفون طبعا مقفول.. عملت سيرش علي رقمه علي ترو كولر طلع خالتي أم علي”.

اختتم:”القصة بحكيها لواحد من قرايبي قالي حمايه لسه معموله معاه بالنكلة…فلنتعظ من هذه النمره”.

طالب يعتدي بـ “مشرط” على أستاذ جامعي في المحاضرة

شاهد: اليوتيوب يخطف هؤلاء من التليفزيون في 2018