"كمال" عن تصريح رواتب السجناء: "الكلام بقى يطيرك من مكانك"

علّق الإعلامي أسامة كمال، على تصريح اللواء زكريا الغمري مساعد وزير الداخلية لقطاع السجون، الذي قال فيه إنّ النزيل في بعض المصانع بالسجون، راتبه الشهري يتراوح بين 3 حتى 6 آلاف جنيه، مُضيفًا: “لما ييجي يصلح الكلام يقول في مساجين بياكلوا بط وحمام ونعام، والفائض بيخرج لمعارض الشرطة يتباع”.

أضّاف “كمال” عبر برنامجه “مساء dmc”، المُذاع على شاشة “dmc” أمس الأربعاء، : “مش عارف مين أقنع اللواء الغمري يقول الكلام ده سواء كان حقيقي أو بعيد عن الواقع، في بلد الحد الأدنى للأجور فيه 1200 جنيه، هنقنع الناس إزاي إنّ المسجون بياخد مرتب 6 آلاف جنيه”.

نرشح لك: صورة: رئيس الوزراء مع أصحاب السترات الصفراء

زاد الإعلامي: “هتقنع إزاي شعب عنده مشكلة أسعار، تقوله المساجين بياكلوا بط وحمام ونعام، مش بس حمام لكن حمام ونعام، في حين 90% من الشعب المصري مادقش فيه طعم النعام”، واستطرد: “احترت في تصريحات المسؤولين، والمشكلة إنّها كانت ندوة نظمتها الداخلية عن الدور المجتمعي للوزارة”.

تابع “كمال”: “إحنا في بلد محتاج تاخد بالك من كل كلمة بتخرج منك، موضوع الكلام مش بفلوس دا انتهى، لأن الكلام مش بفلوس، لأ بقى بدهب وألماظ ورقاب، بقى يطيّرك من مكانك في لحظة، بقى يفتح الباب لتريقة من كل الناس”.

شاهد: الخلاف في القصر الملكي.. حقيقة أم مجرد شائعات؟