شاهد: القصة التي بكت بسببها رضوى الشربيني
روّت الإعلامية رضوى الشربيني ، في برنامجها “هي وبس” المُذاع على قناة “سي بي سي سفرة”، قصة تعرضت لها إحدى متابعات البرنامج، حيث أوضحت رضوى أنها بكت بسبب هذه القصة ولم تتمالك أعصابها.
أوضحت رضوى أنه كانت هناك صديقتان “عِشرة عمر” مثلما يقولون، تعرفتا على شاب منذ فترة طويلة وكان صديقًا لكلتاهما، وكان تعامله شديد الاحترام مع كلا الفتاتين، لكنهما أحبتاه وتعلقتا به، ولم تخبراه بذلك ولم تخبر إحداهن الأخرى بما شعرت به تجاه هذا الرجل، إلى أن جاء واعترف لإحداهن بحبه لها وطلب التقدم لها للزواج.
نرشح لك: ناهد السباعي: الزواج آخر همي
أشارت رضوى إلى أن الفتاة التي لم يحبها الشاب المذكور سابقًا هي من أرسلت لها تطلب نصيحتها، لأنها بعدما علمت بتقدمه لخطبة صديقتها “اتقهرت” على حد وصفها. تقول رضوى: “البنت بتقولي: أنا اتقهرت يا رضوى مش طايقاها ومش طايقاه، ومبردش على الاتنين.. والاتنين مش فاهمين أنا مبقتش أكلمهم ليه.. لحد ما صاحبتي بعتتلي رسالة بتقولي أنا عمري ما هتخطب ولا اتجوز وانتي مش جنبي لأن إنتي أختي”.
علّقت رضوى على هذه القصة قائلة: “القصة دي عيطتني بجد.. لأن مفيش حد فيها غلطان.. الغلط الوحيد إن الاتنين قرروا يخبوا على بعض مشاعرهم تجاه نفس الراجل”. ووجهت نصيحتها للفتاة صاحبة الشكوى قائلةً: “عارفة إنه إحساس مؤلم ولكن صاحبتك رصيدها وحبها عندك قد ايه.. معرفش إنتي شخصية قوية ولا ضعيفة.. لو قوية هقولك عَدي الموقف واقفي جنبها وساعديها وهتعتبريه أخ وجوز أخت، لكن لو وصلتي لمرحلة إنك حباه أوي مقدرش اطلب منك تقفي جنبها مقدرش اقتلك.. لكن اللي هتطلبه منك إنك تفكري بالراحة.. إنتي مش طايقاهم لأنه كرامتك اتوجعت.. بس هما ذنبهم ايه هما أصلا مكنوش يعرفوا”.
تابعت: “عشان كده لما قولت في حلقة قبل كده وهاجموني بسببها.. لما قولت إنك لو بتكلمي راجل لمدة طويلة ومنجذبة إليه وإنه كويس ومحترم وكل حاجة روحي قوليله، عشان متفضليش تضيعي في عمرك وعشان يمكن يكون هو خايف من رد فعلك، وعشان تقصري على نفسك الوقت لأن احنا بنعيش مرة واحدة بس”.
نقدم لك| بالعقل 3: آل باتشينو العرب