السيسي ينفعل على رئيس "الوطنية للزراعات": هتخلص امتى؟!
قاطع الرئيس عبد الفتاح السيسي اللواء محمد عبد الحي رئيس مجلس إدارة الشركة الوطنية للزراعات المحمية، منتقدًا عدم الانتهاء من توريدات منظومات التهوية العلوية بواسطة هيئة الإنتاج الحربي، المقرر استخدامها في إنشاء بيوت زراعية.
وجه السيسي خلال افتتاح المشروع القومى للصوب الزراعية، بمدينة العاشر من رمضان، اليوم السبت، حديثه للواء عبد الحي قائلاً: “هي المنظومات لسة مخلصتش؟”، ليرد عبد الحي: “هينتهي خلال الفترة دي يا فندم”، فقاطعه منفعلا: “فترة إيه؟.. كام؟.. كام يا محمد ما ترد؟”، فرد عبد الحي: “إن شاء الله هينتهي الشهر ده”، فرد السيسي: “أنت كدا متأخر 10 شهور هنا”.
نرشح لك.. شاهد: تفاصيل إنشاء مسجد “الفتاح العليم” بالعاصمة الإدارية
واستطرد الرئيس: “أنا بقول الكلام ده وممكن يؤلمني ويؤلم الحكومة.. بنحاول نشغل شركاتنا الوطنية في الموضوع.. بس لازم نهتم والشركات دي تفهم إنها بتساهم في حاجة كبيرة، إحنا بنتكلم عن ألف بيت زراعي ده حاجة كبيرة.. دي مساهمه عمل مش حاجة تانية.. إنها تخلص طبقا للتوقيتات المتخططة والمتفق عليها.. هل إحنا هنجيب كل حاجة من برا ولا الأولى نشغل شركاتنا؟!