عكاشة للقنوات : داهية تخرب بيوتكوا
انتقد الإعلامي توفيق عكاشة القنوات التي تعرض برامج المسابقات، مشيراً إلى أنها إلهاء للناس عن حالة الحرب التي تمر بها مصر، مما يؤدي ذلك لـ “النكسة” على حد تعبيره، قائلاً “البلد في حالة حرب، والظاهر انكوا نسيتوا إن البلد بتحارب”
و تابع “شوية قنوات عمالة تجيبلكوا في رقاصين وشوية قنوات عمالة تجيبلكوا في برامج مذيع العرب شوية وستار اكاديمي شوية، وواحدة تخبط على واحدة وتديها جايزة ب 50 ألف جنيه ولا ب 100 ألف جنيه و كأن البلد بقى لونها بمبي والدنيا ربيع والجو بديع … الله يخرب بيوتكوا، توهتونا عن القضية الأساسية، ولما نيجي في نص المعركة ونبعد عنها، النتيجة هتكون هزيمة، هو انتوا مزاج عندكوا تبقوا نكسة؟”
وأضاف “عكاشة” خلال حلقة أمس السبت من برنامجه “مصر اليوم” الذي يُعرض على قناة الفراعين “تلاقي القنوات طالعة عمالة ترقص وتغني وتشخلل وتعمل و تسوي … داهية تخرب بيوتكوا، وعاوزني أشتغل مذيع !!، مذيع إيه و نيلة إيه، أنا كرهت الشغلانة، أنا لا باخد منها فلوس ولا بقبض منها أخر الشهر”