عكاشة: هقدم برنامج فني.. والدرديري: هعمل محشي
قال توفيق عكاشة، مالك قناة الفراعين، خلال برنامج “مصر اليوم”، إن الدولة “مليانة إيدين مرتعشة من راسها لرجليها”، وأضاف: “طب أنا أطلع أعمل إيه.. أنا طهقت”.
وأشار عكاشة إلى أنه يفكر في تقديم برنامجًا فنيًا، قائلا: “بقالي 4 سنوات بشتغل بما يرضي الله، وجاتلي عقدة نفسية من إني أطلع على الهواء، أصل هطلع أقول إيه”.
وتابع: “أنا هقدم برنامج فني وهيجيب إعلانات، وناس كتير من الهايفة هتتفرج.. وهجيب الفنانين اللي أعرفهم واللي ما أعرفهمش، واللي مش هيجي هطلع أفضحه، وأقول عليه إنه عاوز فلوس”.
فيما قالت حياة الدرديري: “أنا بعرف أعمل ملوخية وفطير مشلتت ومحشي، وإعلانات السمنة هتجيلنا وهنكسب، سبنا من السياسة أخدنا إيه منها غير وجع القلب”.