عبير الشرقاوي تتهم محمد سعد بالنصب والاعتداء عليها

كشفت الفنانة المعتزلة عبير الشرقاوي، ابنة المخرج الكبير جلال الشرقاوي، عن واقعة وصفتها بـ “الموجعة”، مع الفنان محمد سعد.

روت “عبير” عبر حسابها الشخصي على “الفيس بوك”، إنه في عام 1995، وأثناء التحضير لمسرحية “قصة الحي الغربي”، جاء والدها بالفنان محمد سعد، ولم يكن معروف وقتها، فكان دوره في المسرحية لمدة دقيقتين في الفصل التاني منها.

وأضافت قائلة: “دخل وسطينا و نشن علي فهم إنى طيبه زياده عن اللزوم، وأمي مش مودكانى، عيط لى، وحكى لي إن أبوه و أمه لسه ميتين الإسبوع إللى فات وإنهم ماضيين على شيك بـ 2000 وإنه لازم يسددهم وعيط”.

وتابعت: “قلبى وجعنى وعيط جانبه، قلت له إدينى 48 ساعه هاجيب لك الفلوس وفعلآ الحمد لله وبعد أسبوع لاقيت محمد داخل علينا المسرح بعربية فولكس فاجن تحس إنها متركبه على بعض. أنا ساعتها فهمت إنه ركب العربيه دى بالنصبايه اللى عاملها علي”

نرشح لك: خالد يوسف عن زواجه من ياسمين الخطيب: شائعات مغرضة

استكملت “عبير”، قائلة: “حسيت إنى إضحك على. .المهم إحنا كنا متفقين إنه هايبتدى يسدد لى الفلوس لما يقبض من المسرح. مانا كمان كنت معتمده على مرتبي ومحتاجه كل قرش بس هو طبعًا كان شايفنى زى ناس كتير بنت جلال الشرقاوى عيب يعنى إنى أتكلم في ألفين جنيه”. أوضحت: “فضلت مستنيه شهر ورا شهر إنه يبتدى يسدد مفيش. بعد سته شهور إتكلمت مع مدير المسرح المالي وإتفقنا إنه هايخصم 200 جنيه كل شهر من مرتب محمد سعد علشان يسدد لى الـ 2000 على عشر شهور و قد كان.

أشارت ابنة جلال الشرقاوي، إنه مع خصم أول دفعة، وأثناء العرض، وبعد مشهدها الأول ولحظه الإنتقال من مشهد إلى مشهد في الظلام، قام محمد سعد بالاعتداء عليها، وضربها بـ “الروسية” في أنفها مما أفقدها الوعي.

اختتمت “عبير” قائلة: “شكرا يا محمد على الذكريات الجميله اللى سيبتها لى عايزة أقول لك إن المجرى التنفسي بتاع الهوى لسه معوج لحد دلوقت وهاقابلك به عند ربنا”.

شاهد: مختلفة – طريفة – صادمة.. آراء المشاهير المثيرة للجدل