تامر أمين عن فصل طالبي "الحضن": "الجُرسة كفاية"
مي كُرَيِّم
أعرب الإعلامي تامر أمين عن قلقه بسبب عقوبة الفصل التي وقعت على الطالب والطالبة في الحادثة الشهيرة “بحضن جامعة المنصورة”.
وقال “أمين” خلال برنامج “آخر النهار” المذاع على قناة النهار.: “أنا مش عارف أزعل ولا أفرح. أفرح عشان في مساواة وإن مش البنت لوحدها اللي اتعاقبت وماقلناش على الولد شاطر ولا أزعل عشان في اتنين طلبة مستقبلهم بيضيع. أنا شايف إن كفاية عليهم الجُرسة اللي كفيلة تقعدهم في البيت”.
نرشح لك.. جامعة الأزهر: ندرس إلغاء العقوبة عن طالبة “الحضن”
وفي مداخلة للأستاذ الدكتور شريف خاطر عميد حقوق المنصورة قال: “احنا مطبقناش أقصى عقوبة وهي الفصل وإدناله حق التظلم خلال ١٥ يوم وكان لازم تكون عقوبة رادعة عشان حرم الجامعة اللي فيها ١٥٠ ألف طالب نعرف نسيطر عليه”.
وطالبه أمين بتخفيف العقوبة لتصبح فصل لمدة شهر أو ترم كامل على الأكثر معللا بأن عامين مدة طويلة قد يتعرض فيها الشاب للانحراف وأن ما اقترفه الطالبان هو بالتأكيد خطأ ولكنه أول درجات الخطأ وقد يكونا قد خانهما الإحساس وتصرفا باندفاع خاصة أنهما بسن المراهقة.
نقدم لك| خالد وياسمين وزواج المؤامرة..