الجندي عن ريهام سعيد: الراقصات بينصحوا الشيوخ !!
شن الشيخ خالد الجندي هجوماً حاداً على الإعلامية ريهام سعيد الذي رفض ذكر إسمها خلال مهاجمته لها، واصفاً إياها بـ “فتاة الشيزلونج”، وذلك بعد تصريحها أمس الخميس أثناء استضافتها ببرنامج مصارحة حرة” مع الإعلامية منى عبد الوهاب على قناة TeN، قائلة “الشيخ خالد الجندي شاغل نفسه بالبرامج أكتر من الدين”
و أضاف “الجندي” خلال حلقة اليوم، الجمعة من برنامجه “نسمات الروح” الذي يُعرض على قناة الحياة “إنتوا فاكرين فتاة الشيزلونج دي ذات الأربعين وجه، اللي بتطلع مرة مع العفاريت ومرة تطلع بتحفر في قناة السويس، واللي بتطلع رقاصة في مسرحية وبتطلع ممثلة بسيجارة في تمثيلية وتلاقيها في الصعيد عمالة بتضحك على الناس الغلابة هناك وتقولهم بيوتكم اتحرقت من العفاريت والجن”، مُتابعاً “فتاة الشيزلونج دي ليها تعليق غريب أوي استوقفني، بتقولك إن المفروض الشيخ يخليه في الدين وما يعلقش على البرامج التانية، متخيل إنت حضرتك لما الرقاصات ينصحوا الشيوخ بشغلهم، أمر يدعو إلى العجب!”
وتابع أيضاً “انتوا عايزين الشيخ يطلع يتكلم فقط عن السواك؟!!، ومين قال ان الشيخ مش بيعترف بالجن، من لا يعترف بالجن كافر، وبعدين احنا نسينا إنها دافعت عن الست اللي شتمت الضابط في المطار وقالت إنها صاحبتي، هى فعلاً صاحبتك”
مُضيفاً “والأعمال الخيرية العظيمة اللي بتعمليها دي ربنا يجازيكي خير عليها، لكن عشان ربنا أكرمك بقناة تطلعي عليها، تقومي تستضيفي شواذ وتدخليهم بيوت الناس، هل هذا يرضي الله، إحنا طالبين منك إنك تبقي إعلامية تخدم المجتمع، ونتوسل إليكي إتقي الله فينا”