دعاء فاروق: كان بودي أخلع الحجاب

قالت الإعلامية دعاء فاروق ، إن الحجاب ليس فرضًا أو سنة، وإنما هو أمر مباشر من رب العالمين، مثله كمثل غض البصر وحفظ الفرج في الآية الكريمة التي وردت في سورة النور عن الحجاب.

أضافت “فاروق” في منشور لها عبر حسابها الشخصي على موقع “فيسبوك”، قائلة: “الحجاب مش فرض.. صح انتو صح هو فعلا مش فرض.. والله يجازي اللي كان السبب اللي اخترع كلمة فرض دي ولزقها في الحجاب… وكأن المقابل ليها أنه سنة”، موضحة أنه أمر مباشر من الله وعلى المرأة اتباعه دون مناقشة أو جدل، مستطردة: “ده كلام ربنا.. ده القرآن الكريم بدون تفسير من حد ولا توجيه من حد.. ده من ربنا لينا على طول لا شيوخ ولا مفسرين ولا غيره.. مش احنا عندنا عقل نفكر بيه وبنفهم لوحدنا؟ اديني قعدت لوحدي خالص افصصها بدماغي من غير اي مؤثرات والمصحف”.

في نفس السياق، تابعت: “مفيش كلمة هتيجي في القرآن مالهاش لازمة أو مالهاش فايدة وبالتالي لما ربنا يحطها في سياق الأمر المباشر يبقى منتفلحسش ونقول لا أصلها مالهاش معنى ولا تدل على شيء!!! والجملة الدارجة اللي مبسمعش غيرها؛ ما لو ربنا كان عاوز يقولنا اتحجبوا كان قالها صريحة!! يا صلاة النبي!!!! ربنا سبحانه وتعالى هيقولنا اتحجبوا يا بنات ؟!!!!! ليه بنسمع شريط عمرو خالد؟!!!!”

أردفت قائلة: “الشعر مش زينة خالص هو تاج المرأة وتلات أربع حلاوتها متغطية بتغطية شعرها.. راجع تحدي العشر سنين وشوف اللي كانوا محجبات وقلعوا شكلهم بقى ايه..؟!!! طبعا احلووا مليوووون مرة واللي تقول غير كده كدابة في أصل وشها لامؤاخذة”.

اختتمت حديثها معلقة: “والله كان بودي أخلع الحجاب أنا كمان وأظهر أصغر من عمري بعشرين سنة بس مش هقدر أعمل كده لأن الآية واصلالي صريحة ومافيهاش أي لبس.. والموضوع متقفل من جميع الجهات… هارد لاك يا بنات والله كان نفسي أوجب بأيتها حاجة بس مش نافع”.

نرشح لك: طقس السبت.. شبورة كثيفة وصقيع على هذه المناطق

طريقة منة شلبي في إنقاص الوزن

شاهد: بالعقل حلقة 5 .. في ماركت المشاهير