تعرف على خدمات أوبر في مصر.. أبرزها "سكوتر وتوك توك"
أعلنت شركة “أوبر” لخدمات النقل، عن الخدمات التي تُتيحها الشركة داخل مصر، عبر بيان على موقعها الرسمي.
جاء في البيان ما يلي:
“في بلد بيعيش فيها نحو ٩٥ مليون مصري ومعروف عنها زحمة شوارعها في معظم الأوقات خصوصًا في المدن الكبيرة، ممكن نقول إن (أوبر) واجهت تحديات كبيرة ونجحت في إنها تتغلّب عليها كلها، وكمان تغيّر مفاهيم كتيرة ليها علاقة بتنقلات الناس وتوصيلهم في مصر. ومن ساعة ما بدأنا في سنة ٢٠١٤ وده كان في القاهرة تحديدًا، ساعدنا أكتر من ٤ ملايين شخص في تنقلاتهم اليومية في المُدُن اللي بنشتغل فيها. وفي سنة ٢٠١٧ وصل عدد شركائنا السائقين اللي شغالين معانا حوالي ١٦٠.٠٠٠ سائق أوبر”.
“ومع زيادة عدد المُدُن المصرية اللي بنشتغل فيها حاليًّا، بنتوقع إن العدد ده يزيد أكتر وأكتر في المستقبل”.
وأوضحت الشركة أماكن خدمات “أوبر مصر”، منوهة أن الخدمة متوفرة حاليًّا في ٨ مُدُن ومناطق مختلفة في مصر وهي: “القاهرة، الإسكندرية، المنصورة، طنطا، الجونة، الزقازيق، دمنهور”.
وأوضحت الشركة كيفية الاستفادة من الخدمة، “كل اللي عليك تعمله إنك تحمّل تطبيق أوبر على تليفونك المحمول، وتدخل البيانات المطلوبة. وهتلاقي التطبيق عارف إنت فين تحديدًا، علشان كده هتدخل بس المكان اللي عايز توصله، وتختار واحدة من خدمات أوبر”.
نرشح لك: وزير التربية والتعليم رئيسًا لامتحانات الثانوية العامة
وعن التكلفة أوضحت الشركة، “قبل ما تروح في أي مكان، هتقدر تعرف تكلفة المشوار بالتقريب من التطبيق اللي حمّلته على تليفونك أو من خلال موقعنا الإلكتروني سواء بالإنجليزي أو بالعربي. لكن، في أوقات الذروة والزحمة الشديدة، ممكن تختلف أسعار رسوم أوبر شوية”.
ووجهت الشركة النصيحة لمستخدميها: “ممكن توفّر كتير أوي لو قدرت تشترك مع راكب تاني، صديق مثلًا، وتاخدوا أوبر مع بعض. في النهاية، هيقسّم التطبيق الأجرة عليكم انتم الاتنين، و هيحاسب كل واحد فيكم لوحده”.
وعن الخدمات التي توفرها “أوبر” في مصر، أشارت الشركة أنها توفر حاليًّا ٤ خدمات، هي:
1- سكوتر (SCOOTER): “الخدمة دي سريعة وسهلة علشان تتغلّب على زحمة الشوارع، وبيقدر الركاب مع الخدمة دي ينتقلوا بأسرع وأوفر طريقة عن طريق الموتوسيكل؛ الخدمة دي هتكون مناسبة أكتر لو كنت مستعجل جدًّا ولوحدك ومشوارك قصير، مش مناسبة لو يهمّك برستيجك وشكلك لما توصل قدام الناس!”.
2- توك توك (Tuk Tuk): “الخدمة دي هتفيدك جدًّا لو حرارة الصيف بتشوي جلدك وإنت قاعد على البحر وعايز تتنقل من مكانك وتروح مكان تاني في الجونة!، الخدمة دي هتكون مناسبة أكتر لو عايز تقضي مشاوير قصيرة في منتجع الجونة. ومش مناسبة لو يهمك برستيجك وشكلك لما توصل قدام الناس!”.
3- أوبر إكس (uberX): “الخدمة دي بتوفّر فرصة للركّاب في التنقّل جوه المدن بعربية مريحة وبتكلفة مناسبة جدًّا، الخدمة دي هتكون مناسبة أكتر لكل الناس، ومافيش حد مش مناسبة له؛ الخدمة دي مناسبة للجميع”.
4- أوبر سيلكت (Select): “دي خدمة أعلى من “أوبر إكس” وفيها رفاهية أكتر. وبتسمح الخدمة دي للركّاب بالتنقّل بشكل مريح جدًّا وبطريقة عصرية، وطبعًا تكلفتها أعلى شوية علشان بتستعين بعربيات أفخم وسائقين أكتر احترافًا، الخدمة دي هتكون مناسبة أكتر لو عايز توصل لمكانك بطريقة عصرية تلفت الانتباه، مش مناسبة لو ميزانيتك محدودة!”.
شاهد: لقطات لـ أسطورة الكوميديا.. سمير غانم