شاهد: أغنية "تفرانيل" لـ شادي مؤنس بالتعاون مع مصطفى إبراهيم
طرح شادي مؤنس مؤخرًا، أغنية “تفرانيل” بالتعاون مع الشاعر مصطفى إبراهيم. أغنية تفرانيل
الأغنية من كلمات مصطفى إبراهيم، غناء وتلحين شادي مؤنس، توزيع رفيق عدلي.
وفيما يلي جزء من كلمات الأغنية:
“أنا شعري غامق.. بس قلبي مطقطق أبيض من زمان
جايز عشان.. الناس ساعات بتلاقي ناس
تعرف تشوفها بجد.. وأنا قلبي لسه عمره ما اتكشف ع حد
بقابل اد ما أقابل.. وأفارق اد ما أفارق.. وما اتعلمش
بلخبط ف الأسامي عشان.. بخاف أنسى
بلخبط ف الحياه عشان بخاف لا ما أعيشش
بقالي كتير ما بتكلمش.. بخاف يبقى الكلام متعاد
ما كملتش ف أي رحيل.. ما كملتش ف أي قعاد
و بدي للحياة بالكاد.. ما يكفيها.. ويكفينى شرور البهدلة فيها
مليش ف البنت طلبات غير.. تنسيني اللي قبليها
و بدخل في حاجات تخاطيف.. وعيني ع اللى بعديها
رقصت كتير ع السلم.. بخاف أطلع وأخاف من الأرض
أكيد الخوف مش الفكرة.. و حتى يا ستي يعني بفرض
أكيد الخوف مهواش عيب.. طبيعي الناس تخاف من الغيب.. ومن المقدور
برغم كده.. بحب الضلمة أكتر ما بحب النور
ساعات بتمنى شقة ف برج شايفة النيل.. وأوقات إني أعيش مستور
و بزهد.. ف كل ما ف الرحلة من زخرف.. و ما زهدهاش
ما دام فيها رمق يتعاش.. أكيد ف الرحلة يوم متحاش.. و مستني أعدي عليه
و تعرف عنه اصلًا ايه؟ مفيش غير أنه لسه مجاش
بنام ؟ طبعا.. كتير جدا.. وبالأيام.. وطول الوقت بحلم إن أنا بجري
و بشبع من الحاجات بدري ورغم كده لسه ما شبعتش من الجري ومن الأحلام
بخاف من الموت . عشان خايف ساعتها أكون.. عبيط كل اللى سيبته كلام
بشوف أفلام عن الدنيا.. وعن حكايات لناس عاشت حاجات تانية
وعن حكايات لناس ما عاشوش.. وبتأثر.. وبتحسر
ع كل اللي كان ممكن أكونه.. بس ما بقيتهوش
ما سبتش شيء مجربتوش.. ولا جربته وما سبتوش
بحب العود.. وأحب الناي”.
أغنية تفرانيل
نرشح لك: “أحزان ومرت”.. جديد حسين الجسمي