رأي خطيبة محمد فراج في دوره بـ "أهو ده اللي صار"

أشادت الفنانة الشابة بسنت شوقي خطيبة الفنان محمد فراج عبر حسابها على موقع التواصل الاجتماعي “فيس بوك”، بأداء “فراج” خلال مسلسل “أهو ده اللي صار” وذلك بعدما انتهى عرض المسلسل بالأمس. خطيبة محمد فراج عن علي بحر

كتبت بسنت عبر حسابها على “فيس بوك”: “الكلام اللى هقوله أنا مقتنعه بيه وشايفاه من زمان، بس يمكن مسلسل (أهو ده اللى صار) وشخصية على بحر خلت أو لفتت نظر شوية ناس وخلتهم شايفين اللي أنا شايفاه، الفن فى المطلق مفيهوش أحسن وأوحش، علشان أولا وأخيرا دي أذواق، بس الموهبة في الفن طاغية، وفي أغلب الأوقات مبيبقاش عليها اختلاف”.

تابعت: “أنا هنا همشي عكس الكلام اللي فوق، وهقول بالفم المليان إن حاليًا محمد فراج هو أحسن وأشطر وأكتر ممثل well-rounded في مصر، ليه مقولتش أحسن ممثل شاب، مع إن فيه عتاولة وأساتذة في التمثيل؟، عشان القماشة.. قماشته هي الأشمل على الإطلاق حاليًا، وهي لا يحكمها سن، ولا طبقة اجتماعية، ولا شكل جسماني ولا genre”.

أضّافت: “وبالتأكيد أن قليل قوي اللي في جيله اللي اتحط في امتحانات وكاراكترات مختلفة قده، كاراكترات محدش غيره يعرف يعملها، عشان هو مبيعملش الأدوار العادية، و أدواره أغلبها بتبقى عارف أن محدش تاني هيعرف يظبطها زيه، اهتمامه بالتفاصيل والـ characterization (وده من وجهة نظري يرجع للـ background المسرحي بتاعه)، بيخلي أدواره تعلم مع الناس مهما كان حجمها، إن شاء الله ضيف شرف في مشهد (مثال مسلسل الجماعة، ٣٠ يوم، الوصية)، والناس تطلع من العمل عارفة اسم الشخصية الثنائي ومقتنعة إن فراج هو الشخصية، ومش قادرة تستوعب إنهم يقتنعوا بيه في شخصية تانية، لحد ما يفاجئهم تاني”.

أردفت: “شخصياته حقيقية، مش أحاديه الأبعاد وكليشيهيه، متقدرش تكرهه وهو عامل سوني ولا رجب الفرخ ولا علي الروبي بالعكس بتحبه، وتبقى مستغرب نفسك وآدميتك لحبك لشخصية شريرة ويخليك تشوف نفسك باسقاطاتك وتحبها وتتقبلها، كوميديان ودراماتورجي، من أول الهلس والتقليد والكوميديا الصرف (مسرحية قهوة سادة، ألف مبروك، تيتة رهيبة، الوصية) لحد الدراما السوداء، بيقنعك ويأثر فيك، وفي عز المشاهد الدرامية الكاحلة عنده قدرة أنه يضحكك وفي عز مشاهد الهلس، يعرف يعيطك”.

استكملت: لهجات تلاقي (لغاية دلوقتي محدش عرف يظبط اللهجة البدوية زيه في فيلم المصلحة)، أحساسه ورومانسيته ونظراته اللي كانوا عالين قوي مثلًا في علي بحر، والـ body language ابن الحرام في مثلا دور سوني يخليك كمتفرج متنح من الشطارة، وتعيد وتزيد في المشهد وتقول زاااي؟! ازاي ده تمثيل؟!، أكيد في حاجات في تكنيكه أو لزماته ممكن تتحسن، و ده الطبيعي، عشان التمثيل حرفة وكل شويه أنت بتقوى في حرفتك، بس المؤكد أنه فعلًا من أقوى المشخصاتية الموجودين هو الحرباية وهو الچوكر”.

اختتمت: “وهو اللي هيقتلني عشان البوست ده عشان مع كل اللى كتبته فوق ده، فهو مبيحبش الشكر والنفخ فيه بيتكسف حقيقي ورده دايمًا، (يا ستي بس بقى، ربنا يحبب فينا خلقه)، وهي دعوته المفضلة ودعوة أمه الله يرحمها له.. تبارك الله يا بني”.

يذكر أن مسلسل “أهو ده اللي صار” من بطولة كل من روبي، سوسن بدر، محمد فراج، أحمد داوود، أروى جودة، تأليف عبدالرحيم كمال، وإخراج حاتم علي.

خطيبة محمد فراج عن علي بحر

نرشح لك: زوج شاهيناز ضياء يدافع عن نفسه

شاهد: يوم مش عادي في ضيافة الإعلامية سالي عبد السلام