سبب استياء خالد عليش بعد حفل قرعة كأس أفريقيا

أعرب الإعلامي خالد عليش عن ضيقه من التعليقات المسيئة، التي لاحق فرقة “فابريكا” عبر تأديتها عرضًا خلال حفل قرعة كأس أفريقيا.استياء خالد عليش

قال “عليش” عبر حسابه على موقع التواصل الاجتماعي “فيس بوك”: “لأول مرة اضايق بجد أن الناس بتتريق، بقي عادي أن الفيسبوك يتريق علي أي حاجة، وكأن الصح عشان تكون مميز أنك تكون شخص ناقد ودايما مش عاجبك حاجة”.

تابع: “الفرقة اللي طلعت في حفل القرعة اللي بيتريقوا عليها عشان شكلهم غير لائق و تخان ده اسمه تنمر، أنا معاك أن كان ممكن الفقرة دي تطلع أحسن من كده بكتير، بس انت متخيل الشباب دول أما روحوا وفتحوا الفيسبوك كمية الإحباط اللي هتجيلهم، انت متخيل أهلهم اللي كانوا فرحانين جدًا وقايلين لجيرانهم وقرايبهم شكلهم ايه دلوقت!!”.

اختتم: “النقد دايما شئ مهم بس بلاش يبقي تريقة علي كرشهم ومنظرهم.. كان اختيار غير موفق بس مش لازم نخليهم يبطلو الشغلانة او ينتحروا بعد اللي شافوه من تعليقات سخيفة؛ كلها ملهاش علاقة بالمحتوى اللي قدموه بس ليها علاقة بشكلهم، الكلمة الطيبة صدقة”.

كانت فرقة “فابريكا” نالت العديد من الانتقادات اللاذعة بالأمس عقب الحفل عبر مواقع التواصل الاجتماعي.

استياء خالد عليش

نرشح لك: مكالمة منى الشاذلي لـ خالد عليش في الراديو

شاهد: #بالعقل .. الحلقة الأولى: بين فستان رانيا يوسف وفستان سارة عبد الرحمن