شاهد: عمرو أديب يُنعي شريف السقا باكيًا
دخل الإعلامي عمرو أديب، في نوبة بكاء على الهواء، تأثرًا برحيل شريف السقا مخرج برنامج “الحكاية” الذي يُقدمه عبر شاشة “MBC مصر”، والذي رحل بالأمس إثر حادث سير.
قال “أديب” خلال تقديمه برنامج “الحكاية”: “كنت متفق يحطوا صورة شريف فى أول البرنامج ومكنتش متخيل هتعمل فيا كده، دايما بيعلمونا فى الإعلام إن مفيش مذيع يعيط على الهواء ودي حاجة لازم أعملها”.
أضّاف:” الساعة 9 إمبارح، جالي تليفون من زميل لينا في أوربت قالي شريف السقا مات، ودا مخرج البرنامج، إحنا بنتنقل من قناة على قناة كعيلة، وأنا أعرف شريف السقا فى أوربت، من 20 سنة، فيه 2 بيكلمونى في وداني، المخرج ودا مهم جداً، معرفش أقعد من غيره”.
تابع “شريف كان سايق عربيته على طريق الناصر، كان فيه عربية قمامة بنزينها خلص، ومحبش الراجل يشيلها من مكانها، وسابها في الشمال، ويبدو شريف إنه بيفادي العربية، وميعرفش إن العربية واقفة، ودخل في العربية وتوفى، والعربية فيها 2 أو 3 اتنقلوا للمستشفى”
عمرو أديب يبكي وهو يسترجع ذكرياته مع مخرج برنامج (الحكاية) الراحل.. شريف السقا
عمرو أديب يبكي وهو يسترجع ذكرياته مع مخرج برنامج #الحكاية الراحل.. شريف السقا#MBCMASR
Geplaatst door MBC مصر op Vrijdag 13 december 2019