ريهام سعيد: هقدم برنامجي حتى لو اتسجنت - E3lam.Com
قالت الإعلامية ريهام سعيد، إنها لا تجد فوارق بين إذاعة حلقات برنامجها مسجلة أو على الهواء، خاصة وأن جميع الحلقات تكون جديدة، لكنها قد تضطر لتصويرها قبل إذاعتها بيوم، لانشغالها بالسفر لتحضير حلقات أخرى.
وأضافت “ريهام”، في برنامج “صبايا الخير”، المذاع على قناة “النهار”: “الأسبوع اللي فات كان في 3 حلقات جداد ، مش عارفة إيه الفرق عندكوا بستغرب لما يكون في حلقات جديدة، والناس تعلق تقول البرنامج مش شغال، وإشاعات بقى إن أنا مش موجودة بسبب مشاكل مع القناة، أو مكتئبة، أو هتسجن”.
وتابعت: “لو قنوات تانية، أو رؤساء قنوات، أو ناس زقت عليا ناس تعملي محاضر وقضايا علشان البرنامج يقف، مش هيقف، حتي لو اتسجنت هسجل حلقات، ريحوا نفسكوا، أصل ده من عند ربنا”