حمو بيكا: "حماقي حط إيده على أرباح بنت الجيران"
كشف حمو بيكا مؤدي المهرجانات إنه كان يعمل سواق على توكتوك نافيا ما يتردد عن تربحه ملايين من موقع “يويتوب” قدرها 28 مليون جنيه، قائلًا: “أكبر مبلغ حصلت عليه من “يوتيوب” وصل لـ90 ألف جنيه، ومكنتش طلعت قولت للناس عايز اشتغل والعربيات اللي جايبها دي جايبها قسط، وأنا واحد بحب العربيات”،
نفى “بيكا” خلال برنامج “تفاصيل” المذاع عبر فضائية “المحور”، ما تردد عن حصول حسن شاكوش على 53 مليون جنيه عن أغنية “بنت الجيران”ـ مشيرًا إلى أنّ الشركة الخاصة بالفنان محمد حماقي أوقفت أرباح أغنية “بنت الجيران” لحين الحصول على حقوقها المادية، وإلا أوقفتها بسبب سرقة اللحن”.
وتابع: “حماقي ماضي مع شركة وشاكوش ماضي مع شركة، واللحن والتراك متسجل في المصنفات، فالشركة حطت إيدها على التراك، يا إما نقفله يا إما تسيبوا الأرباح يا إما نرفع قضية”.
أما عن خضوعة لاختبارات نقابة الموسيقيين، قال: “أنا لو دخلت لجنة هسقط، لأن فيه ناس أصواتها جميلة وبتسقط، وأنا واحد معترف بنفسي هدخل لجنة هسقط، أنا راجل مؤدي وليا جمهور بيسمعني، واتعمل لي تصريح، أنا مش عايز كارنيه أو أبقى عضو في النقابة عشان الغنا أكل عيشي ومعنديش أكل عيش غير الغناء”.