صاحب كبده "البرنس" يهاجم محمد رمضان

هاجم ناصر البرنس صاحب مطعم “كبدة البرنس” الشهير، الفنان محمد رمضان، بسبب دخوله مطعمه وتصويره مشاهد لأحد أعماله الفنية، المقرر عرضه الفترة المقبلة.

وقال “البرنس”، في فيديو نُشر على صفحة المطعم على موقع التواصل الاجتماعي “فيسبوك”: “كنت في البيت مريح وسمعت خبر إن محمد رمضان جايلي المطعم طبعا رحبوا بيه وعملوله طرابيزة لـ20 نفر، فأنا ببص لقيت كاميرات رهيبة 7 أو 8، أنا عندي كاميرا وبعت ابني يصوّر، استغربت وقولت اكلم منتج كليباته أسأله إيه الأمر، وقولتله بتصوروا حاجة لمسلسل البرنس أو فيديو كليب، فقالي متتكلمش في الموضوع ده عشان متزعلش مني!”.

تابع: “إيه مزعلش دي أنت بتهددني، أنتم بتيجيوا تدخلوا المحل واتصورا كدا من غير مايعرف صاحب المحل، أو البراند أنا بيجيلي نجوم عريقة كتير هنا، وبصورهم مبقدرش أصور معاهم من غير ما أستأذنهم، بس أنت تيجي وتصور هنا من غير أذني لأ دنا أرفع دعوى قضائية وبلدي تجيب لي حقي، أنا فرغت الـ65 كاميرا اللي عندي، واكتشفت إنه بيصور كليب”.

وظهر محمد رمضان في الفيديو الذي نشره البرنس، وهو يدخل بسيارته الفارهة إلى مكان مطعم البرنس، ويلتف حوله العشرات من الجمهور.