أمير طعيمة: حمو بيكا مجرم
علّق الشاعر أمير طعيمة، على أزمة مطربي المهرجانات مع نقابة المهن الموسيقية، بعد منعهم من الغناء والتعامل معهم نهائيًا.
قال “طعيمة” عبر حسابه على “فيس بوك”، تعليقًا على كلمات الأغاني المتداولة من مهرجانات مطرب المهرجانات حمو بيكا، “مكنتش هقول رأيي في الهوجة بتاعة المهرجانات، لأني شايف كل الآراء مكررة سواء اللي مع أو اللي ضد وشايف إني أستفيد بوقتي في حاجة أهم”.
تابع: “فكرة تعميم (المنع) على الجميع، فيه ظلم للبعض، اللي أخطائهم قليلة يأخذوا فرصة ونقومهم ولو غلطوا يبقى العقاب تدريجي، خاصة اللي عندهم أصوات كويسة زي عمر كمال وشاكوش، أما اللي زي الكائن ده (حمو بيكا) وكل من شارك في الأغاني دي، فأنا مع المنع والإيقاف وكمان رفع دعاوى قضائية، لأنه مجرم وعار على البشرية قبل الفن”.
اختتم: “لو واحد مش دكتور وفاتح عيادة بيكسب منها، لما بتوفقه عن العمل إنت مش بتقطع عيشه، أنت بتصحح وضع خاطئ وبتحمي الناس من شره”.
كانت نقابة المهن الموسيقية، بقيادة نقيبها الفنان هاني شاكر، قد منعت مطربي المهرجانات من الغناء والتعامل معهم نهائيًا.
