أطرف وأغرب و أهم 21 تصريح هذا الأسبوع
سما جابر
دائماً ما تتنوع تصريحات المسئولين والفنانين وبعض الشخصيات العامة مابين تصريحات جدلية و غير مفهومة، و”عجيبة”، تثير الغضب أحياناً والضحك أحياناً أخرى، ويقدم إعلام.أورج مُلخص لأغرب و أطرف وأهم 21 تصريح أثارت الجدل بين المصريين خلال هذا الأسبوع
1- صافيناز
كل الأجانب لما بييجوا هنا مبيعوفوش إيه القانون المصري بالظبط، وكنت فاكرة إن الدعارة عادي جدًا.
2- أحمد عمر هاشم
“الكوفي شوب” حرام.
3- خالد حنفي وزير التموين والتجارة الداخلية
القضاة فئة متوسطة الدخل، وتستحق الدعم كغيرهم من فئات الشعب.
4- أحمد موسى
يكفيني من انجازات الرئيس السيسي ما قام به في يوم 3 يوليو.. ومش عاوز حاجه تانية.
5- محمد نبوي، المتحدث الرسمي لـ”حركه تمرد”
بعد مرور سنه على حكم السيسي لمصر، أرى بنظرة عامة إن السيسي رئيس “يسد عين الشمس”.
6- سيد البدوي
مكانة الإعلام بعد مكانة الرسل والأنبياء.
7- الرئيس السيسي
بأقول للمحامين كلهم حقكم عليا وأنا أعتذر لكم وأقول لكل أجهزة الدولة من فضلكم لازم نخلي بالنا من كل حاجة رغم الظروف الصعبة اللي إحنا فيها وبأعتذر لكل مواطن مصري تعرض لأي إساءة من موظف عام باعتباري مسؤولاً مسؤولية مباشرة عن أي شئ حصل للمواطن المصري.
8- السيسي لمحلب
انت قولتلي إنك هتبقى زي البلدوزر.. فين البلدوزر ده.
9- السيسي للمسؤولين
اللي أقوله اعملوه.. ومحدش يقولي أجيب فلوس منين.. لازم تتصرفوا.
10- أحمد موسى
الإعلام الألماني “مرتشي” والإخوان يسيطرون عليه.
11- مظهر شاهين عن الفتاة التي هتفت ضد السيسي في ألمانيا
فيه جهاد النكاح.. وفيه جهاد التحرش.
12- محمد شردي عن الفتاة التي هتفت ضد السيسي في ألمانيا
البنت بتاعتكوا اللي رمت نفسها في حضن الأمن إللي مد إيده وشدها من صدرها، ماسمعتش حد فيكم عمل نفسه راجل وطلع دافع عن البنت دي.
13- ياسمين الخيام
يسرا وإلهام شاهين صاموا في ألمانيا رغم أنهم على سفر، ولكنهم صاموا لأجل الأجر المضاعف، وتحملوا وكانوا سعداء جداً.
14- إلهام شاهين
المصريين من الجاليات الأوروبية توافدوا إلى برلين، لالتقاط الصور مع وفد الفنانين الذي صاحب السيسي في زيارته لألمانيا.
15- إلهام شاهين للمصريين في ألمانيا
ماكنتش أعرف إن كلامي هيتفهم غلط كدة، أنا ماعرفتش أعبر صح، وبعتذر عن سوء فهم ما قصدته.
16- علي جمعة
الإخوان حاولوا تجنيدي في شبابي للانضمام إليهم، لكني رفضت قائلًا: “لقد اتخذتم التنظيم دينًا”.
17- أحمد موسى عن مطالبات حبسه
هنشوف مين يضحك في الآخر .. وإحنا لا تخابرنا ولا تآمرنا مع الخارج ولا خدنا فلوس.
18- الدكتور لطفى شاور رئيس إدارة التفتيش على المجازر والصحة العامة السابق
الحمير ساهمت في سد الفجوة الغذائية في مصر خلال السنوات الأخيرة.
19- حسين منصور، رئيس وحدة الهيئة القومية لسلامة الغذاء
لحم الحمير لن يكون ضار صحيًا لو اتبعت كافة الطرق الصحية السليمة في الذبح، واللي كلوا من لحم الحمير مايقلقوش، مش هينهقوا ولا هيحصلهم حاجة.
20- سمير غطاس رئيس منتدى الشرق الأوسط للدراسات الاستراتيجية والسياسية
على الرئيس عبدالفتاح السيسى أن يهجر كل من في سيناء دون رحمة، فهناك فى سيناء جزء كبير من العمليات الإرهابية يجري تحت مظلة القبائل.
21- فتيات فيديو “حزب التجمع”
ماعملناش حاجة تستاهل الهجوم ده كله، ودي طبيعة شغلنا.