علقت الفنانة شيرين عبد الوهاب، على أنباء حملها التي تداولها الجمهور مؤخرًا، قائلة: “الناس من كتر حبها فيا أنا وحسام عايزين يشوفوا أطفال”.
تابعت خلال لقاء لها مع برنامج “MBC Trending” عبر شاشة “MBC4″، اليوم الأربعاء، “أدعولي من قلبكم أن ربنا يرزقني بطفل من حسام بالذات عشان أنا بحبه قوي ونفسي أكبر عيلتي بيه ومعاه”.
أضافت: “كتر الدعاء بيغير القدر، أنا راضية بحكم ربنا في كل حاجة أكيد هو ليه حكمة في تأخير الحمل، وأنا في انتظار اللحظة العظيمة دي وأول ما هتحصل هخليه هو أول واحد يطلع يعلن الخبر”.
أردفت: “أنا بقول للناس أنا مش هقدر أخبي عنكم خبر الحمل أكتر من يومين تلاتة، يعني يوم ما هعرف انتوا هتعرفوا تاني يوم أول تالت يوم”.
من جانبه قال حسام: “أدعولنا أنا نفسي، وهي كمان نفسها، اللي ربنا يجيبه دايمًا خير، وإحنا سيبينها على ربنا”، مُضيفًا في سخرية: “بس المشكلة الستات مبتحبش حد يقولها انتي حامل، فدي حاجة بتضايقها، لكن هي حاجة جميلة ويارب لو ربنا كتبها تحصل لنا”.
