ريهام حجاج تتبرع بمبلغ كبير لوزارة الصحة
أعلنت الفنانة ريهام حجاج عن مشاركتها في دعم الدولة، خاصة وزارة الصحة للوقاية والحد من انتشار فيروس كورونا المستجد “كوفيد-19”
كشفت “ريهام” في فيديو نشرته عبر حسابها على موقع تبادل الصور “انستجرام” عن تبرعها بمبلغ مليون جنيه لوزارة الصحة، لمواجهة فيروس كورونا.
وقالت الفنانة ريهام حجاح:” محدش كان يتخيل أبدا اللى بيحصل في العالم كله، احنا في أزمة كبيرة وكارثة عالمية بتمر بيها كل الدول، والمرة اللى بنمر بيها حاليا شوفنا دول أخرى بتمر بها منها اللى التزم وعدى الأزمة زى دولة الصين، ومنها استهتر زى إيطاليا وانا زعلانة جدا على اللى بيحصل فيها وفى نفس الوقت مش عاوزة ده يحصل في مصر.
وأضافت ريهام:”في ناس كتيرة متضررة زى الأسر اللى عايشة على دخلها اليومى، وأى حد مقتدر لازم يساعد لأننا فى أزمة كبيرة، وصديقتى الفنانة لقاء الخميسى اتحدتنى فى حملة الخير وأنا وافقت على التحدى وهعتبرع بمليون جنية لوزارة الصحة المصرية”
وتحدت “ريهام” زوجها رجل الأعمال محمد حلاوة، والمنتج تامر مرسى، والفنانة نيللى كريم والفنان خالد النبوى للمشاركة في تحدي الخير.
نرشح لك: رانيا يوسف عن مبادرة كفالة الأسر الفقيرة: “مش هتحدى حد”