ساويرس: ريم ماجد مش محبوبة.. ويسري لازم يجدد - E3lam.Com
في حوار خاص أجراه مع صحيفة “اليوم السابع” نفى رجل الأعمال المهندس نجيب ساويرس إيقاف برنامج “جمع مؤنث سالم” للإعلامية ريم ماجد بسبب ضغط أجهزة أمنية على القناة، مُضيفاً “ريم ماجد مش محبوبة وده مش سر، إنما فيه سببين أساسيين لوقف البرنامج، أولهما إني في الأصل ماكنتش مُرحب بفكرة إني أحط برنامج بيُذاع على قناة تانية في نفس الوقت، ثانياً البرنامج ملوش أى إعلانات، فالفكرة في حد ذاتها لم أكن متحمس لها من البداية”
وتابع “أنا قلت إن إلغاء البرنامج كان لأسباب كتيرة منها إنه ما جابش إعلانات، إنما مش ده السبب الرئيسي، والناس بتخاف تعلن على برنامج تكون المذيعة اللي فيه ضد النظام”
أما عن الإعلامي يسري فودة فنفى “ساويرس” تصريحات سابقة نُسبت له بأن سبب إيقاف برنامج “فودة” هو إنه “دمه بقى تقيل” قائلاً “ما قولتش كده، قلت إن فيه ناس كتير جداً شايفه إن يسري بقى دمه تقيل عليهم، غير إن عقده كان انتهى في الأساس، مُشيراً أن يسري فودة لابد أن يجدد ويطور من نفسه مضيفاً “لو فضلت على نفس القالب بتاعك الناس بتزهق، مهما كان اللي بتقدمه، ولما قابلت يسري قلت له فكر في قالب وإطار جديد، وهو لن ينكر ذلك، وهو نقد عفيف، لأن يسري قيمة وقامة”