شيرين عبد الوهاب للجمهور: هشارككم حاجة قريبة لقلبي

هالة أبو شامة

فاجأت الفنانة شيرين عبد الوهاب، جمهورها بعودتها إلى مواقع التواصل الاجتماعي، بعد غياب طويل دام لمدة 6 أشهر.

نشرت عبد الوهاب، عبر حسابها الشخصي على موقع “تويتر”، تدوينتين، طمأنت من خلالهما جمهورها ومحبيها بأنها بخير وتتمتع بصحة جيدة.

وكتبت: “أنا هنا يا حبايبي، واتبسطت جداً لما في ظل الظروف اللي العالم كله فيها وكل اللي ليه حد بيحبه قلقان وخايف عليه، لقيتكم فاكريني وبتسألوا عني، أنا عايزة أطمنكم إني بخير الحمد لله، وحالي زي حالكم كلكم، قاعدة في بيتي مع عيلتي وبدعي إن الغمة دي تعدي على خير”.

تابعت: “اهتمامكم بالسؤال عليا ده فرحني جداً وإداني طاقة إيجابية كنت محتاجاها في ظروف زي دي، وحمسني جداً وخلاني عايزة أفرحكم زي ما فرحتوني وقريب إن شاء الله أشارك معاكم حاجة قريبة جداً لقلبي، ولحد ما ده يحصل عايزاكم تكونوا متطمنين عليا، وتاخدوا بالكم من نفسكم ونفضل كلنا في البيت”.

على صعيد آخر، كانت شيرين عبد الوهاب، قد اعتزلت مواقع التواصل الاجتماعي، في أكتوبر الماضي، للابتعاد عن التعليقات السلبية والانتقادات اللاذعة التي وجهت لها بسبب تصريحاتها المثيرة للجدل.